Polisiereservis, drie ander vas oor transitoroof

Een van SBV se voertuie

Een van SBV se voertuie

Die Valke het vier mense in hegtenis geneem in verband met die rooftog by die SBV-transitomaatskappy se kontantsentrum in Witbank, Mpumlanga waartydens nagenoeg R87 miljoen gesteel is.

Kapt. Paul Ramaloko, woordvoerder van die Valke, sê twee van die verdagtes is werknemers van SBV in Witbank terwyl een van die ander verdagtes ‘n polisiereservis in die area is.

Hy sê die Valke en SBV het die arrestasies gemaak en op R6 000, twee blouligte en ‘n koeëlvastebaadjie beslag gelê wat in die reservis se besit gevind is. “Die verdagtes het die span na ‘n huis in Carolina, Mpumalanga gevat waar R990 000 in ‘n metaalhouer in ‘n wasmasjien gevind is en op beslag gelê is.”

Die SBV se Witbank-kontantsentrum is op 27 April van nagenoeg R87 miljoen beroof nadat ‘n gewapende bende die veiligheidswagte oorval en bedwelm het. Die vier veiligheidswagte is op ‘n pad in Kromdraai afgelaai.

“Hulle is steeds in die hospitaal, drie van hulle in ‘n kritieke toestand terwyl die vierde een stadig besig is om te herstel.”

Ramaloko sê die vier verdagtes sal Donderdag in die eMalahleni-landdroshof verskyn. Hy sê hulle verwag om binnekort nog arrestasies te maak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Ria ·

Mense lewens beteken vir hierdie potensiele moordenaars minder as niks. Ek hoop elkeen van hulle sal uiteindelik opgespoor word.

Mag die wagte ook spoedig herstel.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.