Politieke inmenging gaan SA sport ‘duur te staan kom’

(Argieffoto: Christophe Ena/AP)

Die minister van sport, Nathi Mthethwa, en die voorsitter van die parlementêre portefeuljekomitee oor sport, Beauty Dlulane, moet dringend duidelikheid gee oor die spertyd vir openbare kommentaar oor die omstrede Wysigingswetsontwerp op Sport en Ontspanning wat verlede maand gepubliseer is.

In dieselfde verklaring wat deur Mthethwa se kantoor uitgereik word, word die spertyd eers as 10 Januarie aangedui en later as 28 Februarie.

“Die DA glo, veral weens die omstrede aard van die Wysigingswetsontwerp, dat 30 dae ʼn belaglike kort tydperk is om in kommentaar te lewer. Dit val boonop in die vakansietyd,” het Veronica van Dyk, die DA se woordvoerder oor sport, kuns en kultuur, gesê.

Van Dyk sê hulle het die minister vir meer duidelikheid gevra oor die spertyd en het terselfdertyd daarop aangedring dat die spertyd verleng word. “Ons is oortuig daarvan dat die wysigings in die wetsontwerp heeltemal te omvattend is om binne so ʼn kort tydperk te hanteer.”

Die wetsontwerp is hoogs omstrede en plaas die minister sentraal in enigiets wat met Suid-Afrikaanse sport verband hou. “Alle mag word in die minister en sy/haar gemagtigde verteenwoordigers gesetel – op plaaslike, provinsiale en nasionale vlak.

“Die rol van erkende sportkonfederasies word in sommige gevalle summier deur net die minister vervang. Voorts gaan sportliggame nie meer internasionale byeenkomste sonder die toestemming van die minister kan organiseer nie. Dispute sal slegs deur die minister, by wyse van ʼn tribunaal, besleg kan word.

“Die Suid-Afrikaanse Sportkonfederasie en Olimpiese Komitee (Saskok) word in wese van al sy magte gestroop. Die minister sal besluit oor die aanstelling van buitelandse afrigters. Krieket SA en die Suid-Afrikaanse Sokkervereniging (Safa) gaan dus toestemming by die minister moet kry om buitelanders aan te stel. Selfs sportpromotors gaan in die toekoms gereguleer word,” het Van Dyk gesê.

Ingevolge die voorstelle sal die minister die enigste een wees wat Protea-kleure kan toeken en die magte van federasies sal tot blote voorstelle gereduseer word.

“Dié direkte politieke inmenging in Suid-Afrikaanse sport gaan ons land duur te staan kom.

“Dit is teenstrydig met die Internasionale Olimpiese Komitee (IOK), die Internasionale Paralimpiese Komitee en die Statebondspele se verbod op staatsinmenging in sport,” het sy gesê.

Volgens Van Dyk is dit ook kommerwekkend dat die minister beleid mag verander wat spankeuses bepaal en Mthethwa se uitlatings dat die demografie van nasionale spanne maatskaplike samehorigheid moet bevorder, spreek boekdele.

“Die DA gaan beslis nie sportkwotas ondersteun nie.”

Die VF Plus se Heloïse Denner het vroeër gesê die ANC het telkemale al bewys dat hy nie daartoe in staat is om die land, sy instellings, munisipaliteite en entiteite behoorlik te regeer en bestuur nie.

Sy waarsku georganiseerde sport gaan dieselfde paadjie loop as Eskom, die SAL, die SAUK en Prasa indien die wetsontwerp in sy huidige vorm aanvaar word.

Denner het gesê die VF Plus sal die Wysigingswetsontwerp op alle moontlike maniere teenstaan.

Ook die burgerregtegroep AfriForum het gesê hy gaan, sou die wetsontwerp in sy huidige vorm aanvaar word, klagtes by byna alle internasionale sportfederasies en die IOK indien.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

44 Kommentare

jongste oudste gewildste
Le eiertjie

ANC het telkemale sonder uitsondering al bewys dat alles waaraan hulle vat in n gemors opeindig. Hulle kan eenvoudig nie toegelaat word om van sport ook n gemors te maak nie.

Sjina

Hierdie is kommunisme. Gaan kyk op n video publiseer op 4 Jan 2020 oor Sjina se inmenging met die ANC op Youtube. Dis geweldig skokkend. Kommunisme oral teen die muur geskryf. Ek wonder dan net wat gaan gebeur as MISKIEN n nuwe party gekies gaan word in SA, of altans, hoeveel inmenging die Sjinese dan gaan doen om hul huidige goeie band met die ANC te behou. Sjina koop die padda in die warm pot sonder dat enige iemand agterkom behalwe Cyril.

Vince

Die wêreldbeheerliggame van sport se huigelary sal dalk ook verdere ontbloot word, want hul was destyds gou om SA te verban vanweë die vorige regime se beleid, maar hul het blykbaar geen probleem nie, met die kwotastelsel wat oral in SA sport toegepas word. Blatante seleksie waar sekere etniese groepe bevoordeel word. Die wêreld word beheer deur huigelaars en geldwolwe.

André André

Ingelyks het die minister van basiese onderwys, Me Angie Motshekga, met haar departement se wysigingswetsontwerp wat in Desember verlede maand bekend gastel is, haar naam met ‘n plank geslaan. En dit het ook nogal verrykende gevolge. Nou wonder ek wat daarvan gaan word!

Wonder maar net!

Eat vetwag julle? Dis hoe komunisme werk!