Pta-man (58) kritiek ná huisrooftog

Argieffoto (Foto: SAPD, Facebook)

Argieffoto (Foto: SAPD, Facebook)

ʼn 58-jarige man van Rietfontein in Pretoria is in ʼn bedenklike toestand in die hospitaal nadat hy Vrydagaand erg vermink en aangerand is tydens ʼn huisrooftog.

Volgens ʼn polisieverklaring is die man met ʼn ystervoorwerp geslaan en verskeie kere in die lyf gesteek.

Die verdagte het toegang tot die huis verkry deur middel van die sekuriteitsdeur aan die agterkant van die huis wat met ʼn onbekende voorwerp oopgedwing is.

Die rower het die man onkant in sy kombuis betrap waarna ʼn struweling tussen hulle ontstaan het.

Die man is etlike ure later deur sy vriendin in die huis ontdek. Hy het sy bewussyn verloor weens talle wonde aan sy kop en liggaam, en is in ʼn kritieke toestand so spoedig moontlik na die hospitaal gebring.

Volgens die polisie is daar slegs ʼn selfoon vermis. In dié stadium kan hulle nog geen aannames oor die motief maak nie.

Die man was Saterdagoggend steeds in ʼn kritieke toestand in die hospitaal. Die vrou kry ook berading.

Die Pretoria Moot-polisie vra dat enigiemand met inligting die noodlyn by 086 010 111 skakel of die Pretoria Moot SAPD regstreeks nader by 012 353 5441.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
Vic

Die motief? Aanranding, met die doel om ernstig te beseer of the dood. Wat anders?

Christa

Dis al wat ‘n lewe in Suid-Afrika werd is – ‘n tweedehandse selfoon!!!! Dis om van siek te word!!!

CS

Huisrooftog???????? Sterkte aan die man, hoop en bid jy word gou gesond

Bokkie

Kyk na die ouderdomme van die slagoffers. Absolute etniese suiwering of anders gestel. Volksmoord!!! Net soos die grensoorlog uit ander lande beplan is word die moorde op ons nou ook so gedoen. Die wiel is besig om te draai.

Michael

Tyd geword om nie meer slagoffers te wees nie maar beskermers van die ou en weerloses in ons buurt