Pta-ongeluk eis 2

Die ongelukstoneel in The Orchards in Pretoria op 13 Maart 2015 Foto: Netcare 911

Die ongelukstoneel in The Orchards in Pretoria op 13 Maart 2015 Foto: Netcare 911

Twee mense is Vrydag in ʼn trompop botsing op die N4 naby The Orchards in Pretoria oorlede.

“ʼn Vroulike bestuurder is op die toneel dood verklaar,” het Santi Steinmann, woordvoerder van Netcare 911, in ʼn verklaring gesê. “Die manlike bestuurder van die ander voertuig was in ʼn kritieke toestand en hy was in die voertuig vasgekeer.”

Volgens Steinmann moes meganiese toerusting gebruik word om die man uit die motor te bevry. Die brandweer het ongeveer ʼn uur en ʼn half gespook om die man uit die wrak te bevry.

“Hy het egter kort na sy aankoms by die hospitaal aan sy beserings beswyk.”

Die oorsaak van die ongeluk is nie bekend nie.

Die ongelukstoneel het erge verkeersontwrigtings veroorsaak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

dries ·

Pretoriaanse hou op om so vinnig te ry, jy is die volgende.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.