Ramaphosa, ministers op pad na China

Pres. Cyril Ramaphosa. Argieffoto

Pres. Cyril Rampahosa is op pad China toe vir ʼn staatsbesoek aan pres. Xi Jinping in Beijing, het die presidensie Saterdag gesê.

Die presidensie het in ʼn verklaring gesê Ramaphosa sal die besoek gebruik as deel van sy veldtog om beleggings na die Suid-Afrikaanse ekonomie te lok om ekonomiese groei en werkskepping aan te moedig. “Die president sal Suid-Afrika posisioneer as ʼn aanloklike bestemming vir Chinese beleggers, terwyl hy terselfdertyd geleenthede vir Suid-Afrikaanse maatskappye skep om met die Chinese ekonomie sake te doen deur handel en beleggings.”

Ramaphosa se besoek aan China is op uitnodiging van pres. Xi Jinping en kom ná die Chinese president se besoek aan Suid-Afrika op 24 Julie vanjaar.

Volgens die presidensie sal Ramaphosa tydens sy besoek ʼn krans lê by die Monument van Mense se Helde in Tiananmen-plein ter herinnering aan dié wat hul lewens verloor het in die Chinese volk se oorloë om bevryding, onafhanklikheid en vryheid.

Ramaphosa sal daarna met premier Li Keqiang by die Diaoyutai-staatsgastehuis vergader voordat hy ʼn verwelkomingseremonie by die Groot Saal van die Mense sal bywoon.

Ramaphosa sal ook die beraad van die Forum vir China-Afrika-Samewerking op 3 en 4 September bywoon en hier as medevoorsitter optree.

Ramaphosa word deur sy vrou, Tshepo Motsepe, vergesel, asook Lindiwe Sisulu, minister van internasionale betrekkinge en samewerking, Naledi Pandor, minister van hoër onderwys en onderrig, Rob Davies, minister van handel en nywerheid, Pravin Gordhan, minister van openbare ondernemings, Edna Molewa, minister van omgewingsake, Gugile Nkwinti, minister van water en sanitasie, Blade Nzimande, minister van vervoer, Derek Hanekom, minister van toerisme, Nhlanhla Nene, minister van finansies, Ayanda Dlodlo, minister van staatsdiens en administrasie, Mmamoloko Kubayi-Ngubane, minister van wetenskap en tegnologie, Senzeni Zokwana, minister van landbou, bosbou en visserye, Bheki Cele, minister van polisie en Gwede Mantashe, minister van minerale hulpbronne.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

55 Kommentare

jongste oudste gewildste
Frikkie Geld en huis

Moet ‘n groot party wees, want die hele ANC kabinet gaan saam. Hoop Cyril verkwansel Eskom nou finaal aan die Chinese. Dit kan net tot voordeel van SA wees en is ‘n baie beter roep as ‘n ooreenkoms met die Russe, soos Zuma dit wou hê.

HPV

Wonderlik! Dink net ons is vir ‘n paar dae sonder die regime, dit kan net beter gaan!

Karoodonkie

Ai, die trippie gaan ons baie geld kos. En baie van ons moet juis derduisende belasting inbetaal hierdie jaar sodat daar geld is vir al die vakansies.

Chris

So word die helle kabinet van China se afrika provinsie ontbied deur die Chinese president. Nou is dit kwansuis n handels ooreenkoms bemarkings missie. Wat is daar nog van China wat nie hier in die Republiek van CSA beskikbaar is nie. Dit is sekermaar net n ander vorm van staatskaping.

John

Sjoe, die pap word dik aangemaak. Hierdie soort verwelkoming vir ‘n klein landjie wat skaars op die wereld se ekonomiese padkaart aangedui word, se net een ding: Ons moet iets he wat hulle graag wil he. Binnekort word ‘n Sjina-Afrika-ekonomiese beraad gehou, maar SA wil skynbaar eerste skep… Hoe lui die spreekwoord… iets soos tussen die lepel en die mond val die pap op die grond…?