Ramaphosa sê hy maak stem dik toe Zuma vir Gordhan afdank

Pres. Cyril Ramaphosa by die gemeenskapsvergadering in Johannesburg. (Foto: Getrude Makhafola/ANA)

Pres. Cyril Ramaphosa het Donderdagaand by ʼn vergadering in Sandton, Johannesburg, gesê oudpres. Jacob Zuma se destydse afdanking van Pravin Gordhan as minister van finansies het sy eie goeie oordeel beproef.

Ramaphosa het gesê hoewel die kabinet as ʼn eenheid saamwerk en besluite deur eenstemmigheid geneem word, moes hy twee keer dink nadat Zuma vir Pravin in die pad gesteek het. Zuma het dié besluit gegrond op ʼn sogenaamde intelligensieverslag wat vals was.

“Gordhan is aangestel nadat Nhlanhla Nene afgedank en deur Des van Rooyen vervang is. Gordhan het fantastiese werk gedoen. Hy is van sy amp onthef weens ʼn intelligensieverslag wat, volgens my, nie veel werd was nie,” het Ramaphosa in Sandton gesê.

“Ekself was bekommerd toe die een of ander intelligensieverslag jare gelede aan die lig gekom het wat beweer het ek wil vir [oudpres. Thabo] Mbeki uit die kussings lig.”

Ramaphosa sê hy het besluit om uit die gelid te tree en het Gordhan se afdanking gekritiseer.

“Dit het gegaan oor of ek gaan stilbly oor iets wat ek geglo het wel verkeerd is. Ek het my president teengegaan en uitgepraat. Dit was ʼn moeilike besluit, want deur dit te doen kon ek afgedank word. Gelukkig is ek nie afgedank nie,” het Ramaphosa gesê.

Gordhan is deesdae die minister van openbare ondernemings. Zuma het hom in 2017 saam met sy adjunk, Mcebisi Jonas, die trekpas gegee. Malusi Gigaba het Gordhan destyds vervang.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Saint

Altyd gehoop die wiel wil draai.

Anoniem

Ai, ai dit is so lekker om sulke ou stories as ‘n verkiesings advertensie te verkoop !

President Ramaphosa HOE VOORSPELBAAR ?

Andreas

Ek sal dit waardeer as iemand vir ons ‘n bandopname van sy stem wat hy dikgemaak het kan speel, ek sal dit graag wil hoor.

honourable member

Hierdie man impress my glad nie. Dis maar die volgende ramp wat hierdie land getref het. Daar is ook mos maar baie vrae oor geld wat sy seun ontvang het so dit gaan vir hierdie mense ook maar oor selfverrryking en nie om die mense in die land se lewe te verbeter nie. Dis mos maar hoe die hele Afrika lyk. Mense kripeer en die president en sy maatjies leef lekker.

Michael P

Lyk my die man is van lieg aanmekaar sit.