‘Rassistiese uitbarsting’ oor sportverbod: ‘Ek sal dit vir altyd berou’

'n Skermskoot van die plasing voor dit verwyder is. Die foto is digitaal gemanipuleer.

‘n Skermskoot van die plasing voor dit verwyder is. Die foto is digitaal gemanipuleer.

Matthew ‘Matt’ Theunissen (26), die jong man wat erg deurgeloop het nadat hy rassistiese uitlatings op sy Facebook-profiel gemaak het, het gesê hy sal die voorval vir die res van sy lewe berou.

“So no more sporting events for South Africa… I’ve never been more proud than to say our government are a bunch of K*****S…yes, I said it so go and f**k yourselves you black f***ing c***s.” [sic], het Maandag op Theunissen se Facebook-profiel verskyn. Dit was in reaksie op Fikile Mbalula, die minister van sport, se onlangse verbod op sporttoernooie weens transformasie.

Die profiel is egter teen Dinsdag verwyder nadat ʼn skermskoot van die plasing soos ʼn veldbrand op sosiale media-platforms versprei het. Theunissen het in ʼn onderhoud met die radiostasie Cape Talk aan die aanbieder John Maytham gesê hy was baie kwaad oor die minister se uitlatings en dat hy dit in reaksie daarop gemaak het hoewel hy weet dit is nie ʼn verskoning nie. Volgens Theunissen is hy al vir langer as ʼn jaar werkloos weens die “tipe politiek in die land”.

Volgens Theunissen het hy die inskrywing kort nadat hy dit gemaak het verwyder, maar iemand het toe reeds ʼn skermskoot daarvan gemaak en dit op Twitter gedeel. “Ek sal dit vir die res van my lewe berou. Ek is spyt oor die taal wat ek gebruik het en weet dit is maak seer en is onvanpas.”

Theunissen het gesê sy uitlatings is nie ʼn weerspieëling van wie hy is nie. “Ek is glad nie ʼn rassis nie. Ek het die regering gekap en nie na die hele land as sulks verwys nie. Daar is niks wat ek nou daaraan kan doen nie. Ek weet dis nie ʼn verskoning nie, maar ek wou net graag jammer sê.”

Theunissen het ook aan Maytham gesê hy sal die Menseregtekommissie kontak ten einde die saak te bespreek. Patricia de Lille, burgemeester van Kaapstad, het Dinsdag gesê sy sal die voorval na die Suid-Afrikaanse Menseregtekommissie verwys vir verdere ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

75 Kommentare

jongste oudste gewildste
Andre

En Patricia kon nie vinnig genoeg spring nie!

elsabe

Weereens mag net sekere kleure mag uitbarstings kry en wil sommer wapens opneem. Wat n belaglike spul

Kaspaas

Wat hy gese het is verkeerd maar as die DA maar net so vinnig op hulle perdjie was met die Wits student wat “kill whites” en “f.uck Qhites” op sy hemp gehad het. Hulle is so hard besig om te probeer wys hulle is nie n wit party dat hulle teen die wittes draai, daarom sal my stem nie meer na DA gaan. Nie eens te praat van verlede week se insident by Obz kafee maar al wat jy hoor van swart op wit rasisme is stilte.

Apie

Die anc kaders, en veral die minister is verantwoordelik vir hierdie tiepe van uitbarstings. Kla hulle aan. Daar is bai mense wat voel soos hierdie jongman!!!! HOU POLITIEK UIT SPORT!!!!

ou tannie

Ja ek is ook nie n rassis nie. Mense se dit altyd : ek is nie n rassis nie maar……