Regeringsyfers toon afname in plaasmoorde

Foto: Reint Dykema

Plaasmoorde in Suid-Afrika is besig om beduidend te daal, het die minister van polisie, genl. Bheki Cele, in die parlement gesê.

Hy het die regering se amptelike syfers vir plaasmoorde die afgelope twee jaar (2017-’18 en 2018-’19) bekend gemaak in antwoord op ʼn parlementêre vraag deur die DA-LP Andrew Whitfield.

Volgens Cele toon die regeringsyfers dat plaasmoorde in dié jaar met byna ʼn kwart afgeneem het van 62 tot 47.

In die Oos-Kaap het die syfer stabiel gebly op drie moorde, in die Vrystaat het die syfer afgeneem van agt tot sewe, in Gauteng het dit gedaal van 12 tot tien, in KwaZulu-Natal het dit gestyg van sewe tot 11, in Limpopo het dit gedaal van nege tot twee, in Mpumalanga het dit gedaal van agt tot twee, in die Noord-Kaap het dit gedaal van drie tot nul, in Noordwes het dit gedaal van nege tot ses en in die Wes-Kaap het dit gestyg van drie tot ses.

Cele het sy vertroue uitgespreek dat die regering se syfers wel korrek is, want dit word deur elke polisiestasie ingesamel en die besonderhede oor aanvalle op plase en kleinhoewes word spesifiek nagegaan deur kundiges kragtens die polisie se landelike veiligheidstrategie.

Die syfers strook egter nie met ander organisasies wat die statistieke byhou se syfers nie.

TLU SA het in Julie gesê dat daar toe al reeds 60 plaasmoorde en 217 plaasaanvalle vir die jaar aangemeld is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

48 Kommentare

jongste oudste gewildste
Kasper

Jammer ek glo die polisie se stats glad nie, dit word net so gekook soos stats SA se bevindings oor die land se groei koers en inflasie syfers. Alles bog en duim suigery. In elk geval een boer se dood is al klaar een te veel, so niks om oor te spog met hulle gekookte stats nie.

Wurmpie

Ons weet mos die regering en sy ministers kan nie tel nie

Manus

Ons kan nie die inligting van die staat vertrou nie.

Hendrik

As dit waar is dat plaasmoorde daal, is dit bloot omdat boere meer paraat is. Plaasaanvalle neem toe!

Elvira

Bly paraat boere, hulle sal nooit ophou moor nie.