Reuse-dwelmvonds in Vrystaat

Die polisie het aanvanklik op ‘n plaas in die Vrystaat toegeslaan en op die dwelmfabriek afgekom. (Foto: SA Polisie)

Die polisie het Donderdag toegeslaan op twee huise in die suide van Johannesburg nadat ʼn reusedwelmlaboratorium vroeër die dag in die Vrystaat ontdek is.

Brig. Vish Naidoo, nasionale polisiewoordvoerder, het gesê polisielede het eerste op die laboratorium op die plaas by Lefaso, naby Phuthaditjhaba, toegeslaan. By hul aankoms het verdagtes in ʼn Toyota Fortuner laat spaander, terwyl nog een te voet gevlug het.

Die polisie het die voertuig agternagesit en ná ʼn jaagtog is dit naby Warden tot stilstand gedwing. ʼn Verdagte is hier in hegtenis geneem terwyl sy makker op die plaas ook aangekeer is.

“Die twee geboue op die plaas wat vir boerdery gebruik moes word, is pleks daarvan vir die uitsluitlike vervaardiging van mandrax-tablette gebruik,” het Naidoo gesê.

“Terwyl een gebou vir die vervaardiging van die finale produk gebruik is, is die ander gebou gebruik vir die stoor van chemikalieë en ander bestanddele wat gebruik word in die voorbereiding en mengsels vir die vervaardiging van die tablette.”

Naidoo het gesê nog spanne het kort ná die klopjag op die plaas gelyktydig op twee huise in Kiblerpark en Forest Hill, in die suide van Johannesburg, toegeslaan. “Al twee huise word verbind met die plaas nadat dwelms, chemikalieë en beduidende bedrae geld in die twee huise gekry is.

Van die dwelms waarop beslag gelê is. (Foto: SA Polisie)

“Benewens dít het al die mense wat met die plaas en die huise verbind word dieselfde van.”

Naidoo het gesê hoewel dit moeilik is om ʼn presiese waarde op ʼn dwelmfabriek te plaas, dat die geraamde waarde van die hele operasie – alle inhoud, masjinerie en chemikalieë ingesluit – sowat R100 miljoen is.

Die operasie het gespruit uit inhegtenisnemings wat vroeër in Middelburg in Mpumalanga, asook Diepkloof in Soweto, gedoen is.

Altesame 11 mense is reeds agter tralies ná verskillende operasies waarby lede van die polisie se misdaadintelligensie-eenheid, misdaadopsporingseenheid en die Valke betrokke is, het Naidoo gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

18 Kommentare

Daan Erasmus ·

As dit op ‘n plaas is wat vir boerdery bedoel is. Dan is die Mandrax mos ‘n landbou produk.

Gert van Wierdapark ·

Skitterende werk!! R100 Miljoene Se waarde – GEEN flippen borg-tog vir die skurke!!!

Michelle ·

Uitmuntende werk aan al die lede dit is wonderlik om die goeie nuus te lees dat daar lede is wat hul sout werd is en die gemors van ons strate verwyder. Dit is nie net ‘n groot fonds nie dit is uitstekend werk baie dankie vir jul goeie diens.

Dewi ·

As twee ouens n dief in n kis prop is hulle name die nuus vol .As n sonneblom dief selfmoord pleeg word sy twee moordenaars se name genoem.Waarom word die mense se name nie genoem nie of is hulle connected.

C op C ·

Help my reg as ek verkeerde afleidings maak. Ek lees van suksesverhale as die Valke betrokke is. Sou dit slegs hulle spesialisoptrede wees wat daartoe bydra of is daar wesenlike struikelblokke vir plaaslike speurders?

Db ·

@Dewi. Hulle is beslis “connected” dis hoekom die vanne en fotos nie gewys en gesê word nie

Rubber ·

Seker ‘n plaas wat voorheen produktief was en later deur staat oor gekoop is, waarop familie van politici kon gaan boer, en toe sien ‘n mandrax boerdery is meer winsgewend.

Chris du preez ·

Sal graag wil weet of hulle Suid Afrikaners is.
Maroela media ek hoop julle hou ons op hoogte met die detail van die saak asseblief

Von ·

Mooi werk…..is dat waarvoor grondonteining aangewend gaan word…sjo

Magda ·

Uitstekende werk dankie SAPD – maak ent seker dat die mense asb toegesluit word en toegesluit bly – = EN ASB GEEN BORG.

J J Schoeman ·

Moenie so gou bly word nie, daai polisiemanne gaan ‘n groot klomp geld maak uit daardie “fonds”……julle is naief om te dink dat die hele besending in veilige bewaring gaan land. Daar gaan nou ‘n klomp “besigheid” vanuit die polisie geledere plaasvind, hoor my lied. Daar’s maar geen manier dat ek hierdie misdadigers in uniform kan vertrou nie!

Nettie ·

@J J Schoeman – ek wou dieselfde ding nou vra: hoeveel van daardie dwelmvonds gaan nou régtig in die SAPD se getuienisbewaringstore beland en hoeveel gaan sommer so met die beslagleggingsproses net “verdwyn”? Ons weet mos – meeste van die polisiebeamptes (in sekere geledere) is self misdadigers ….

Leon ·

Nou is daar ‘n paar duisend mense wat gaan werkloos wees want hulle het nou nie produkte om te verkoop nie. Ons uitvoermark het nou ‘n knou gekry.
Goeie werk van die SAPD se kant af. Seker iewers ‘n ou wat nie sy “cut” gekry het nie en toe “ge-split” het. Toe kon die owerhede toeslaan.

jakes ·

Kom ons wees eerlik, wat weet hierdie mense van boerdery af? Gaan stel ondersoek in hoeveel daar werklik geboer word op plase wat nou aan hierdie mense toegeken is? Hierdie is waarskynlik die oortjies van die seekoei.

Willie ·

Om hemels naam, kry net iemand wat die Mandrax kan oppas… met die SAPD is dit vining weer op straat…

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.