Israel en Palestina se vlae in Jerusalem, die hoofstad van die land (Foto: ANP XTRA LEX VAN LIESHOUT)
Die DA het Donderdag sy oproep dat burgerlikes teen kollektiewe straf beskerm word, herhaal en gesê die internasionale humanitêre reg en die protokolle van die Genève-konvensie moet gehandhaaf word.
Dit kom ná Ahmed Abbasi, die hoof van die humanitêre noodlenigingsgroep Gift of the Givers se kantoor in Gaza, Donderdagoggend tydens ’n aanval in dié enklawe dood is.
Emma Louise Powell, DA-LP en die party se woordvoerder oor internasionale betrekkinge en samewerking, sê die DA vra vir ’n onmiddellike ondersoek na die moord op Abbasi, en dat die skuldiges voor die hof gebring word.
“Dit is juis om hierdie rede dat dit noodsaaklik is vir Suid-Afrika om diplomatieke kanale met Israel sowel as die Palestynse Owerheid te behou. Die ANC se besluit om diplomate uit Tel Aviv te onttrek, en die EFF se voorgestelde skorsing van die Israeliese ambassadeur uit Suid-Afrika, sal eenvoudig ons land se vermoë verminder om aanspreeklikheid in die streek te eis, en om ʼn vinnige en vreedsame oplossing vir hierdie afskuwelike oorlog te beïnvloed,” sê Powell.
Sy meen die politieke opportunisme wat deur die ANC en die EFF vertoon word, is tekenend van hul inherente morele bankrotskap.
“Omdat hierdie partye nie daarin kon slaag om ʼn welvarende Suid-Afrika te bou nie, moet hierdie partye nou enige geleentheid soek om verdeeldheid te verdiep waaruit hulle goedkoop politieke punte kan aanteken.
“Wanneer die ANC en hul gevolmagtigdes na Gaza kyk, sien hulle nie menslike tragedie nie, hulle sien ʼn politieke geleentheid,” sê Powell.
Sy meen die ANC is nie vredemakers nie, hulle is agent-provokateurs.
“Hulle gee nie om oor internasionale reg of menseregte nie, hulle gee net om vir hul eie politieke oorlewing – teen watter prys ook al.
“As die ANC opreg in vrede, menseregte of die oppergesag van die reg belanggestel het, sou hulle opgestaan het teen die onuitspreeklike tragedie wat tans in Soedan afspeel, waar meer as 10 000 burgerlikes vermoor is te midde van die wreedste etniese suiwering wat die wêreld nóg gesien het.
“Hulle sou opgestaan het vir die 7 miljoen Soedanese mense – van wie 3 miljoen kinders is – wat na buurlande gevlug het om skuiling teen die geweld te soek, en nou die grootste ontheemde bevolking van kinders ter wêreld uitmaak.
“Maar, ten spyte van die erns van hierdie tragedie wat op die Afrika-kontinent afspeel, het die ANC nie net heeltemal stil gebly nie, maar aktief teen die bevordering van vrede in die streek gewerk.”
Volgens Powell het Suid-Afrika op 11 Oktober hom van ʼn resolusie by die Verenigde Nasies se Menseregteraad (A/HRC/54/L.18) weerhou waarin daar vir ʼn onmiddellike wapenstilstand in Soedan gevra is.
“Hoekom? Omdat hierdie einste resolusie gevra word vir die vestiging van ʼn internasionale feitesending om die grondoorsaak van die huidige konflik te ondersoek, waarvan baie teruggevoer kan word na die ANC se versuim om die Soedanese diktator, Omar Al-Bashir, in hegtenis te neem toe hy Suid-Afrika in 2015 besoek het. Dit ten spyte van ʼn lasbrief van die Internasionale Strafhof,” sê Powell.
“Die skrikbewind wat deur die Janjaweed gevoer is – die paramilitêre mag wat deur Al-Bashir tydens die oorlog ontplooi is – het na raming die dood van meer as 300 000 burgerlikes tot gevolg gehad. In plaas daarvan om hul aanvoerder in hegtenis te neem, het die ANC hulle blind gehou toe Al-Bashir per helikopter gevlug het.
“En so ook, toe nog 1 300 Soedanese burgerlikes die afgelope week in Wes-Darfoer afgemaai is, het die ANC net anderpad gekyk.”
Sy sê as die ANC opreg belangstel om ʼn menseregte-gebaseerde agenda te bevorder, sou die Suid-Afrikaanse minister van buitelandse sake nie met Iranse president Raisi, wie se regering sedert Augustus 2021 die teregstelling van meer as 1 275 van hul eie burgerlikes beveel het, verbroeder nie.
“Sy sou nie gebel het en haar steun aan die leier van Hamas – wat sedert 2006 nie ʼn demokratiese mandaat in Palestina gehad het nie – toegesê het nie. In die proses het sy die Palestynse Owerheid en die miljoene Palestyne wat niks met Hamas te doen wil hê nie, opsy gestoot.
“As die ANC omgegee het vir menseregte of internasionale reg, sou hulle nie stilgebly het in die aangesig van Rusland se onwettige inval in Oekraïne nie, en die Suid-Afrikaanse Nasionale Weermag sou nie ontplooi gewees het om oorlogspeletjies met Poetin se weermag te speel soos die liggame in Bakhmut opgestapel het nie.
“Die waarheid is dat die ANC net daarin belangstel om verdeeldheid aan te blaas om politieke punte aan te teken,” sê Powell.
“Die ANC se sekretaris-generaal het blykbaar vergeet dat dit onder sy party se toesig was dat meer as 27 000 van ons eie burgers verlede jaar vermoor is, en onder sy toesig dat ons nasionale spoornetwerk ineengestort het en werkloosheid tot 42% gestyg het.
“Mbalula en sy gevolmagtigdes het dalk vergeet, maar die mense van hierdie nasie onthou,” sê sy.
“Ons sien julle, en ons sal voortgaan om julle te ontmasker as die huigelaars wat julle is.”
… onwettige inval… Ja ons moet miskien ook ons bande met Rusland behou. Handelsbande ea is nogal nuttig.
Daar sal volgende jaar met stemming, goed en baie goed na die telling van stemme gekyk moet word, want ek dink mense gaan gedreig word soos in Zimbabwe
Die ANC het in 1994 n funksionele land oorgeneem en dit binne 29 jaar in ñ ashoop verander.
Die Palestyne het ñ oase gekry en dit in n woestyn verander.
Israel het in 1947 n woestyn gekry en dit in ñ moderne land/oase verander.
Geen wonder die ANC hou nie van hulle nie!
Sit die daaglikse gewelds misdaad in SA by die syfers en jy het ‘n geheel beeld van wat die ANC bereik het.
Baie dankie aan DA en ander partye wat vir vrede in SA veg.
Ek stem saam, tyd laat ons saam staan en oobou
Mooi gedoen en baie dankie Emma! Die ANC en EFF se werklike agendas moet so vreesloos aangespreek en verkondig word. Hulle het vir jare net te veel skade aangerig. Hang hulle sondes aan die groot klok en lui hom heeltyd!
Nes Hamas het die cANCer en die EFF beide hulle ontsaan te danke aan terrorisme.
Suid Afrika moet hulle snoet uit die konflik hou ! Dit het niks met hulle te doen nie !!!!
Dit is uiters besorgd as mens sien en hoor hoedat menseregte vertrap word oor die wêreld heen. Tekens van die eindtye kom onwillekeurig by my op en ek sidder oor die uitkoms hier in ons eie gefaalde land.
Ek het 2 aande terug my bes probeer om na “Sirië Ramaposa” te luister – so noem Al Jazeer hom. Maar o wee geen logika oor die situasie nie – hoe kon hy – hy kan nie eers sy “EIE” republiek baas raak nie. Dwaasheid ken geen perke – Spreuke 26:1-28. Al Jazeera noem Naledi Pandor – “Naledi Pandora” – hiermee stem ek nogal saam.
Die DA het net Engelssprekende beamptes. G’n Afrikanernaam. Baie soos Dischem wat net ‘ander’ in poste aanstel. Hulle almal word binnekort na Israel gepos… Wag en kyk. Dan wen die ANC in die Kaap en betrek die wynplase…