SA Rugby sê hy “deel die smart” van Minentle Noqhamka se geliefdes nadat dié 20-jarige student tydens die Springbokke se segetoer in die Oos-Kaap beseer en dae later dood is.
“Die bekertoer-vieringe het ten doel gehad om die vreugde van sukses en oorwinning te deel, en dit is aaklig dat dit vir dié familie in hartseer ontaard het. Ons deel die familie se smart,” het Mark Alexander, president van SA Rugby, gesê.
Noqhamka is Dinsdag in die waakeenheid van die Frere-hospitaal dood nadat sy op 5 November glo op ʼn bewegende Njala-voertuig gespring en ernstige beserings opgedoen het.
Die voorval het tydens die Springbokke se segetoer in Oos-Londen in die Oos-Kaap plaasgevind. Haar been is ná die voorval afgesit.
“SA Rugby is hartseer oor die nuus van ’n tragiese voorval gedurende die feesvieringe van Suid-Afrika se 2023-Rugbywêreldbekeroorwinningstoer.
“Ons betuig ons innige meegevoel aan Minentle Noqhamka se familie en vriende nadat haar lewe so skielik deur hierdie verskriklike ongeluk kortgeknip is.”
Die oorsaak van Noqhamka se dood is in dié stadium onbekend en ʼn nadoodse ondersoek sal binnekort gedoen word.
Dit is nie ‘n “tragiese ongeluk” nie. Dis bladdy stupidgeit!!!!!
Stem 100%
Absoluut! Oorlamsgeit… Wie in die eerste plek spring nou op n voertuig wat nie aan jou behoort nie?
Daar is nie pille vir dimgeit nie. Dit is nou sulkes wat op universiteit sit. Hoop die polisiebeampte wat die voertuig bestuur het, kry ‘n oopkop prokereur want hy het niks verkeerd gedien nie.
Dis “tragies” dat iemand so onverantwoordelik was en gedink het hulle kan veilig op ‘n bewegende voertuig spring. Nou word die bestuurder aangekla van roekeloose bestuur????
Iemand wil weer net geld uit die saak maak…………die student was waar sy nie hoort nie!!!
Ons moes van bewegende Samils en Buffels afspring….. Se maar net