(Foto: @Banyana_Banyana/Twitter)
Suid-Afrika se 2023-Vrouewêreldbeker-groep sal Woensdag na Nieu-Seeland reis nadat ’n dispuut oor geslagsloongapings met die nasionale vereniging opgelos is.
Die Motsepe-stigting, gestig deur Patrice Motsepe, die president van die Konfederasie van Afrikasokker (CAF) en miljardêr, en sy vrou, Precious Motsepe, het geld beloof om die dispuut op te los.
Lede van die Wêreldbeker-groep het gesê hul kontrakte sluit nie die $30 000 (sowat R561 475,50) verskyningsfooi in wat FIFA aan elk van die 23 spelers beloof het nie.
Die gesukkel het ’n herrie in Suid-Afrikaanse sokker oor geslagsloongapings veroorsaak.
Precious het tydens ’n mediakonferensie in Johannesburg gesê dat daar oor geslagsloongapings gepraat word, maar niks word ooit daaraan gedoen nie.
“Elkeen van ons moet ons kant bring om te verseker dat geslagsgelykheid ’n werklikheid word,” het sy gesê.
Precious het die groep aangemoedig om voort te gaan om te “praat” oor geslagsongelykhede.
Elke speler sal ’n bonus van R230 000 bykomend tot die FIFA-fooi ontvang, het die Suid-Afrikaanse Voetbalspelersunie tydens die konferensie aangekondig.
“Ons moet met trots ons saak kan stel dat ons dieselfde moet verdien as wat die spelers van Bafana Bafana (Suid-Afrika se nasionale mansokkerspan) verdien en wat die Springbokke verdien,” het Zizi Kodwa, minister van sport, op dieselfde konferensie gesê.
Australië en Nieu-Seeland bied die Wêreldbeker-sokkertoernooi vanaf 20 Julie aan. Saam met Suid-Afrika, gaan Marokko, Nigerië en Zambië ook die vasteland verteenwoordig.
Banyana Banyana, Suid-Afrika se nasionale vrouesokkerspan, het Sondag geweier om ʼn Wêreldbeker-opwarmingwedstryd teen Botswana te speel.
Sodra die vrouens dieselfde aantal kykers as die mans sokker span trek dan kan hulle dieselfde betaal word.
In SA het hulle amper meer kykers as die mans haha
Absolute disgrace vir sport in die wêreld. Wel tipies RSA attitude van demand en dreig en staak. Het iemand al die beginsel van ekonomiese balans aan die “dames” verduidelik? Wat bring die SPAN in inkomstes in? En dit sluit in om konstant te presteer. Skande!
Waar het jy in jou lewe gesien die Springbokke staak en weier om te speel?
Die Springbokke se velde is altyd op standaard, hulle sal ook nie op so veld speel nie.
Niemand is groter as die sport nie. Hier kom kriekettellings teen die span…….
Hulle kry ‘n kleinhuis vol geld van Fifa as verskyningsfooi, net om daar te wees!!! Hulle het in wlke geval nog nooit presteer nie. Keis meisies wat WIL speel en nie net verskyn nie. Maar vir hulle gaan dit mos nie oir die spel of die wen nie. En hoeveel stadions het hulle al vol gemaak of hoeveel het hulle al in gebring met hul spel? As hulle presteer het en stadions vol gemaak het, dan kan daar oor gelyke betaling gepraat word!!!
Wat ‘n skande. Hulle moes by die huis gebly het.
Hoop hulle verloor elke wedstryd!
Ek gaan ‘n raaiskoot waag – Hulle gaan nie een wedstryd wen nie, hulle gaan nie eers iewers gelykop speel nie. Daarna moet hulle kom verduidelik hoekom hulle glo dat hulle dieselfde salaris verdien as die mans.
Klink my na die cheetahs in europa
Hulle moes dus omgekoop word om te speel? Mev Motsepe kan dit maar as ‘n skenking beskou, want daar sal geen teenprestasie daarvoor wees nie.
As dit die netbal span was, het julle hulle beaam en gese watter goeie voorbeeld dit is. Ons weet wat hier aangaan.
Hoekom kry mansmodelle in die modewêreld nie dieselfde tipe geld as dames nie? Hulle lok nie dieselfde “revenue” as die dames nie. Maak die paviljoen vol dan sien ek nie ‘n probleem om dieselfde vir almal te betaal nie.
Sulke gedrag hoort nie in sport nie. Ek sal hulle beslis nie ondersteun nie.