SA toerismeraad ‘oorweeg opsies’ weens teenstrydige afsonderingsregulasies

(Foto: Love Cape Town/Twitter)

Die Toerismesakeraad van Suid-Afrika (TBCSA) het ʼn dringende vergadering byeengeroep om moontlike opsies te oorweeg ten einde ʼn stokkie voor verdere reis- en toerismebesteding en permanente werksverliese te steek. Dit volg ná die regulasies vir die heropening van geakkrediteerde en gelisensieerde akkommodasie vir ontspanningsdoeleindes sedert middel Junie gedurig gewysig is.

Die sakeraad het al talle pogings aangewend om die regering te oortuig om die toerismebedryf, en veral die gebruik van akkommodasie vir ontspanningsdoeleindes, geleidelik tydens vlak 3 van afsondering te heropen. Die regering het egter bankvas by sy besluit gestaan om nie dié bedryf te heropen nie.

Pres. Cyril Ramaphosa het Sondag bekendgemaak dat die heropening van geakkrediteerde en gelisensieerde akkommodasie vir ontspanningsdoeleindes steeds verbied word.

Tshifhiwa Tshivhengwa, uitvoerende hoof van die TBCSA, sê die sakeraad moet nou al sy opsies oorweeg ten einde die ondernemings binne die bedryf te beskerm en te verhoed dat die bedryf permanent sy deure moet sluit.

Die TBCSA het ʼn omvattende herstelplan vir die toerismebedryf aan pres. Ramaphosa voorgelê, gerugsteun deur gesondheidsprotokol wat deur die bedryf ontwikkel is om die verspreiding van Covid-19 te bekamp.

Die plan is gegrond op ʼn gefaseerde benadering wat eers binnelandse reise toelaat en daarna geleidelik internasionale reise teen September 2020 laat hervat. Sowat 60% van die bedryf se jaarlikse inkomste kom van internasionale reisigers wat tussen September en April die land besoek.

“Ons het protokol ontwikkel om die verspreiding van Covid-19 oor die hele toerismewaardeketting te verminder en dit is aanvaar. Die volgende stappe wat die toerismebedryf doen, moet dít en ons gereedheid om te heropen, weerspieël,” sê Tshivhengwa.

Die bedryf verloor na raming R748 miljoen vir elke dag van die afsonderingstydperk en die TBCSA voorspel dat sowat 600 000 werksverliese gely gaan word as die bedryf op dié manier gesluit bly. Hy sê die uitwerking gaan ook na ander bedrywe uitkring. Toerisme in Suid-Afrika ondersteun 1,5 miljoen werkgeleenthede en dra 8,6% tot die bruto binnelandse produk (BBP) by.

Volgens syfers van Statistieke Suid-Afrika (StatsSA) het die algehele toerismebesteding in Suid-Afrika in 2018 nagenoeg R273,2 miljard beloop. Binnelandse toerisme het 56% van die algehele besteding uitgemaak, gevolg deur internasionale toerisme wat 44% van die algehele besteding uitmaak.

Tshivhengwa sê die toerismebedryf is tot dusver veilig bestuur en het die regering bygestaan deur kwarantyngeriewe en isolasieruimtes te voorsien, asook sakereisigers en noodsaaklike reisigers met verblyf uit te help.

David Maynier, die Wes-Kaapse minister van finansies en ekonomiese geleenthede, het Maandag in ʼn brief aan Nkosazana Dlamini-Zuma, die minister van samewerkende regering en tradisionele sake, en Mmamoloko Kubayi-Ngubane, die minister van toerisme, versoek dat hulle die heropening van geakkrediteerde en gelisensieerde akkommodasie vir ontspanningsdoeleindes moet oorweeg.

“As Kubayi-Ngubane tevrede is met die gesondheids- en veiligheidsprotokol wat ingestel is sodat akkommodasie vir sakereisigers kan heropen, waarom kan akkommodasie vir ontspanning dan nie ook heropen nie?” vra Maynier.

Maynier sê werksverliese van bykans 50% staar die toerismebedryf in die Wes-Kaap in die gesig.

“Talle akkommodasie-ondernemings het middel Junie gereed gemaak om te heropen, net om daarna weer hul deure te sluit. Hierdie onverklaarbare verandering sal vir baie ondernemings verdere ekonomiese swaarkry inhou en waarskynlik verdere werksverliese veroorsaak,” sê Maynier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
Willem

Kom nou vat die regering vas wat so besluitloos is. As die taxi bedryf kan voortgaan hoekom nie toerisme

JohanR

1. 11th Jan 2014 – President Jacob Zuma said on Saturday the ANC aimed at creating at least six million jobs in the next five years. 2. 9th Feb 2010 – President Jacob Zuma has failed in his promise to create 500,000 new job opportunities by the end of 2009, the Democratic Alliance said. 3. Cyril Ramaphosa July 2020 – By the end of Covid-19 we want no white person to have a job anymore, and we want to have destroyed all white privately owned businesses. If some blacks and Indians get caught up in this our “scorched earth” policy… Lees meer »

Jaco

Aan die begin van lockdown is gesê net toerismebesighede wat BEE en regstellende aksie reg toepas, gaan staatshulp kry. Dis alles goed en wel, want ons weet mos dat wit besighede seker maar vir ewig “gestraf” moet word vir apartheid. Daars 2 goed wat ek egter nie verstaan nie: 1. Die “fonds” waaruit kwalifiserende besighede hulp kry, gaan een of ander tyd stop. Wat gebeur daarna? Dan gaan besighede waar die regstellende aksie en BEE klaar REG is, mos ook sukkel, al het hulle nie soos wit besighede “iets verkeerd” gedoen nie. 2. Baie van die wit toerismebesighede wat geen… Lees meer »

Fedup

My advice. Just start working; touring, whatever.
As the death traps in this circus country can do what they want, so can you.
You are south africans. Make your own decisions.

Duwweltjie

Vat die regering hof toe.

As die taxis kan ry, dan kan ek ook mos ry.

Ek kan die virus nerens heen versprei nie, dit is klaar oral!