Twee sakemanne het Dinsdag vlugtig in die Port Elizabeth-landdroshof verskyn op aanklag van bedrog van meer as R27 miljoen.
Volgens Lwando Zenzile, Valke-woordvoerder, is Timothy Franciscus van der Steen (50) en Ryan Peter Osborne (36) die oggend voor hul hofverskyning in hegtenis geneem.
Daar word aangevoer dat Van der Steen en Osborne tussen September 2013 en September 2017 albei direkteurs van ʼn maatskappy genaamd Tag Yachts SA was. Hulle het na bewering wanvoorstellings aan die klaers gemaak met die belofte om seiljagte vir hulle te bou. Van der Steen en Osborne sou dan glo die geld vat, maar nooit die seiljagte bou nie.
Volgens Zenzile het Van der Steen en Osborne dit gedoen wetend dat die maatskappy bankrot is. Die Valke se ondersoek het aan die lig gebring dat Van der Steen en Osborne die klaers na bewering uit meer as R27 miljoen bedrieg het.
“Verdere ondersoek het aan die lig gebring dat Van der Steen en Osborne se maatskappy as ʼn frontmaatskappy gestig is en dat hulle die enigste werknemers was.”
Van der Steen en Osborne is albei op borgtog van R2 000 elk vrygelaat op voorwaarde dat hulle hul paspoorte oorhandig.
Die saak is tot 20 November uitgestel.
Dit wil voorkom of hulle anc lede is
Die borgtog bedrag sè ALLES Chris
Fly by knight
Belaglik om borg van R2000 te betaal vir so n groot bedrag. Waars die 27 miljoen. As hulle so n groot bedrogspul kan onderneem, kan hulle mos vals paspoorte ook bekom.
Het beslis voorligting by ANC gekry.
Gelukkig weet almal nou hoe lyk die twee skelms.
Wonderlik. Klomp geld betrokke. Hulle is darem in die hof.
Die geld is egter peanuts in vergelyking met die van die kaders. Hoe lyk dit?
Sluit toe. Hoort nie in die samelewing nie!
Hoekom 3-7 jaar later eers? As ek daai tipe geld spandeer op n boot wil ek vordering sien.
R2000 borgtog? Dit is ‘n lonende bedryf om korrup te wees!