Ses vas ná Vrystaat-plaasaanval

Foto: Reint Dykema

Foto: Reint Dykema

Ses Zimbabwiërs is in hegtenis geneem nadat hulle ʼn 65-jarige boer en sy 60-jarige vrou op hul plaas buite Bothaville in die Vrystaat aangeval het.

Konst. Peter Kareli, woordvoerder van die polisie, het gesê die boer en sy vrou was Sondagoggend kerk toe in Bothaville. Hulle is met hul terugkeer op die plaas deur ses gewapende mans oorval. Die verdagtes het die boer se hande met draad vasgemaak en die kluis se sleutels geëis.

Volgens Kareli het die boer se vrou kort na hom in ʼn ander voertuig op die plaas aangekom. “Haar klere is met geweld verwyder en haar hande is ook vasgebind. Drie van die verdagtes het haar probeer verkrag maar het nie voortgegaan nie,” het hy gesê.

Die verdagtes het met die boer se Ford Bantam-bakkie, vyf pistole, ammunisie, juweliersware en ʼn onbekende hoeveelheid kontant gevlug. Volgens Kareli kon die boer daarin slaag om homself te bevry nog voor die verdagtes van die plaas af gevlug het, en het hy boere op naburige plase sowel as die polisie ontbied.

Volgens Kareli het een van die plaaswag se patrollievoertuie die boer se Bantam-bakkie gewaar en het die verdagtes te voet in mielielande in gevlug. Lede van die plaaswag het die gebied afgesper en ʼn polisiehelikopter het die gebied gefynkam waarna die ses verdagtes in hegtenis geneem is. Daar is ook op die gesteelde goedere beslag gelê.

Die verdagtes, tussen 19 en 34 jaar oud, sal binnekort in die Bothaville-landdroshof verskyn op aanklag van huisroof en poging tot verkragting. Twee van die verdagtes woon in die Bothaville-area.

Lt.genl. Thabethe Mpembe, provinsiale polisiekommissaris, het die polisie en lede van die landelike gemeenskap geloof vir hul vinnige reaksie. “Ons is dankbaar dat daar geen lewensverlies was tydens die aanval nie en dat die verdagtes aangekeer is.”

Lees die opvolgberig hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

13 Kommentare

jongste oudste gewildste
Anna

Verwyder al die onwettige immigrants uit die land uit!

david ras

Weereens Zimbabwiers betrokke ! Is die RSA dan nou ‘n provinsie van Mugabe se koningryk ?

SNEL

Jare terug, toe daar nog wet en orde was, het army ouens op die grens gesterf om ongewenste elimente uit die land te hou. Nou stroom hulle van alle kante af in en niks word daaraan gedoen nie, hulle het geen werk of reds om in SA te wees nie, maar kom om te steel en vermoor. Sal hierdie dinge ooit einde kry of is dit nou ons lot? Sitting targets, wag om te kyk wie is volgende. Ander lande duld nie onwettige immigrante nie, hulle word nog op hul roete al terug gestuur, hoekom moet ons dit sluk.

Boesman

Mooi mooi MOOI! Sulke goeie nuus op ‘n Maandag oggend. :-D

Sollie

Zuma is mos groooot pelle met Bob so sy landgenote is baie welkom. So ook Mosambiekers. Albei lande se inwoners is glo volop in ons tronke volgens ‘n opname waarvan ek paar jaar gelede gelees het. Nigeriers = dwelmsmousers en alles wat daarmee gepaardgaan soos bv prostitusie, geldwassery ens. Enigstes wat ek van weet wat WIL werk en nooit probleme gee is Malawiërs. Geen werk in hul land, geen myne ens so hulle weet hulle meot hulself hier gedra. En tog word hulle meestal uit die land gesit, kry nie werkspermitte ens.