Sewe ontsnap uit aanhouding in Oos-Kaap

Argieffoto

’n Taakspan van die Oos-Kaap is op die spoor van ses verdagtes wat Woensdag vroegaand uit die aanhoudingselle van die polisiestasie in Elliot ontsnap het.

Sewe verdagtes het ontsnap, maar een is sedertdien weer in hegtenis geneem.

Kapt. Khaya Tonjeni, woordvoerder van die polisie, sê die verdagtes het omstreeks 18:45 polisiebeamptes by die betrokke polisiestasie oorrompel waarna hulle met ’n dienspistool van die beamptes te voet op die vlug geslaan het.

Volgens Tonjeni het die verdagtes op pad uit glo ook lukraak skote in die polisiestasie afgevuur hoewel niemand in die proses beseer is nie.

Een van die verdagtes (21) is enkele ure ná die ontsnapping weer aangekeer hoewel ses van sy makkers in dié stadium steeds soek is. Die polisie is nou op die spoor van Lihle Rashula, Dumisanu Tom, Inga Nkompela, Sfundo Sothondoshe, Yophi Samkelo Rasmeni en Phakamani Phoswayo.

Daar word ’n beroep op mense gedoen om nie die verdagtes te probeer aankeer nie aangesien hulle gewapen en moontlik gevaarlik is.

Mense word wel versoek om enige inligting oor waar die verdagtes hulle moontlik bevind by speursers. Lifa Gqosha by 082 8132 217 aan te meld.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

7 Kommentare

jongste oudste gewildste
JohanR

Kry aanhoudenes hulle eie bos sleutels waaneer hulle in SA toegesluit word?

Antoinette

Elke dag se ding deesdae.

Plaaskind

Deesdae maak die bandiete ook beurte om buite te gaan kuier. Skande van ons regering.

Gerhard

#Plaaskind. Ek is van mening die SAP lede help die Bandiete ontsnap….

Persheks Adri

Hoe toevallig elke week ontsnap ‘n paar… Nee dis binne