Sewe plaasaanvalle: Premier moet ingryp soos by Coligny

Supra Mahumapelo, premier van Noordwes (12 Mei 2017) Foto: ANA

Die burgerregte-organisasie AfriForum het vandag ’n beroep gedoen op Supra Mahumapelo, premier van Noordwes, om by die vlaag van plaasaanvalle in te gryp wat dié provinsie teister, soos wat hy vroeër by Coligny gedoen het. Dit volg nadat daar in die afgelope vier weke sewe plaasaanvalle in dié provinsie plaasgevind het.

Mahumapelo het ná die dood van die sestienjarige Matlhomola Mosweu vroeër vanjaar ’n politieke toespraak in Coligny gehou waar hy wit rassiste vir Matlhomola se dood blameer het. “There is no confusion at whose hands did Matlhomola lose his life. He was in the hands of South Africans who are Afrikaners in Coligny,” het hy gesê.

Ernst Roets, adjunk uitvoerende hoof van AfriForum, sê dat die golf van plaasaanvalle wat die provinsie teister Mahumapelo se ingryping vereis. “Mahumapelo se stilswye oor hierdie kwessie tot op hede kan maklik die indruk skep dat hy hom nie aan plaasaanvalle steur nie, moontlik omdat die slagoffers wit is, of moontlik omdat die oortreders nie Afrikaners is nie,” het Roets gesê.

Die volgende plaasaanvalle is in die afgelope vier weke in Noordwes gepleeg:

• 14 April 2017 – ’n plaasaanval te Ottosdal
• 5 Mei 2017 – ’n aanranding op ’n plaas te Leeudoringstad
• 9 Mei 2017 – ’n aanranding op ’n plaas te Wolmaransstad
• 16 Mei 2017 – ’n moord en poging tot moord op ’n plaas te Sannieshof
• 30 Mei 2017 – ’n plaasaanval te Basfontein/Derby
• 2 Junie 2017 – ’n verkragting op ’n plaas te Sannieshof
• 4 Junie 2017 – ’n aanval op ’n plaas te Koperfontein/Derby

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
al

Mnr. Supra moet herinner word dat ons in ñ demokratiese land bly waaronder ALLE burgers regte het om beskerm te word.

Johan. H.

Moennie jul asems ophou nie , Hy is n zuma cronie…Oog vir n oog

Stem maar weer ANC

Lag ek my nou amper in n ander bloedgroep in. Die Premier sal absoluut niks sê oor plaasaanvalle nie want dit is sy stemme wat dit doen.

John

Die hele gebied is geoormerk vir Zuma se mega-landbouontwikkeling waar duisende swartboere glo gevestig moet/gaan word. Hierdie aanvalle is nie toevallig nie. Boere word aangeval en verdryf. Plase word goedkoop verkoop of staan later onbewoon ~ so word gehoop. Die regering gaan niks doen om te help nie.

susan van zyl

Daar was Sondag 4 Junie ook ‘n aanval op mnr en mev Tobie en Carien Welding op hul plaas naby Makwassie.