Siam se liggaam uitgeken

Siam Lee. Foto: Via Facebook

Die verkoolde liggaam van ʼn vrou wat Saterdag in ʼn afgeleë suikerrietplantasie naby New Hanover gevind is, is dié van die vermiste Siam Lee.

Die nooddiensnetwerk Mobi-Claw, wat toegewyd aan die soektog deelneem en Siam se naasbestaandes bystaan, het gesê die familie het haar liggaam uitgeken en bevestig dat dit wel sy is.

“Dit was ʼn baie komplekse ondersoek wat in soveel rigtings gelei het en ons in ʼn donker onderwêreld ingeneem het,” het Mobi-Claw in ʼn verklaring gesê.

Siam het presies ʼn week gelede in verdagte omstandighede by haar werkplek in Durban-Noord verdwyn.

Lt.kol. Thulani Zwane, provinsiale polisiewoordvoerder, het Donderdag aan Maroela Media bevestig ʼn boer het Saterdag op die erg gebrande liggaam van ʼn vrou in ʼn afgeleë suikerrietplantasie naby New Hanover afgekom en die polisie ontbied.

Siam is verlede Donderdag omstreeks 15:00 die laaste keer gesien toe sy haar werkplek in Margaret Maytom-laan in Durban-Noord verlaat het. Volgens kringtelevisiebeeldmateriaal wil dit voorkom of sy deur die bestuurder van ʼn swart Mercedes Vito met ʼn Gauteng-nommerplaat ontvoer is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

57 Kommentare

jongste oudste gewildste
Niklaas

Ai. Dis slegte nuus en daar is soveel simpatie vir haar ouers en familie lede. Sy was blykbaar haar ma se enigste kind. So jammer. Hoop die moordenaar word spoedig aangekeer en behoorlik straf toegedien.

Magda

So tragies. Sterkte aan die familie

Caroline

So tragies!

Andrea

Ek is so bitter jammer. Sterkte aan die familie en vriende. Wat n siek, siek land.

Elvira Bothma

Doodstraf asb