Chirurg en pa sterf in botsing

Foto: Twitter

ʼn Chirurg van die Unitas-hospitaal in Centurion en sy pa is Vrydagmiddag in ʼn botsing oorlede.

Die botsing tussen ʼn vragmotor en twee motors het op die hoek van Wierdagweg en die R55 in Sunderland Ridge plaasgevind.

Volgens Ross Campbell, woordvoerder van ER24, het paramedici omstreeks 15:45 op die toneel aangekom.

Die pa en sy seun was in ʼn motorwrak vasgekeer. Hulle het noodlottige beserings opgedoen en is op die toneel dood verklaar.

Twee kinders, glo die chirurg se kinders, is ook in die botsing beseer. Die 15-jarige meisie het ernstige beserings opgedoen terwyl die 13-jarige seun kritiek beseer is.

Die seun is per helikopter na ʼn nabygeleë hospitaal geneem terwyl die meisie met ʼn ambulans na ʼn hospitaal vervoer is.

Die naam van die chirurg word weerhou aangesien al sy naasbestaandes moontlik nog nie van sy dood in kennis gestel is nie.

Die presiese omstandighede rakende die noodlottige ongeluk word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

59 Kommentare

jongste oudste gewildste
Swuog

Ek dink u moet ‘n speltoetser kry?? Chirurg

Lz

ASSEBLIEF maak jul spelling reg!!!! Chirurg!!!!

Pietman

Sjirurg ?? Spelling in artikel is kommerwekkend

Ag weet jy

Ag regtig. Maak julle nie ‘n fout nie? Sterkte aan die familie!

Sonja

Volgens die Afrikaanse Spelreëls is beide spelling toelaatbaar.