Suid-Afrika het nou meer as 1 637 800 bevestigde Covid-19-gevalle met 2 383 nuwe gevalle wat aangemeld is.
Dr. Zweli Mkhize, minister van gesondheid, het Maandagaand bevestig dat 1 637 848 bevestigde Covid-19-gevalle al in die land aangemeld is.
Die sterftesyfer weens Covid-19 staan nou op 55 874 nadat nog 72 sterftes aangemeld is: ses in die Oos-Kaap, 21 in die Vrystaat, sewe in Gauteng, 13 in Limpopo, ses in Mpumalanga, ses in die Noord-Kaap en 13 in die Wes-Kaap.
Tot dusver het 1 541 250 mense reeds van die virus herstel; dit is ’n herstelkoers van 94,1%.
Suid-Afrika het tot dusver 11 378 282 toetse vir Covid-19 gedoen, 23 352 sedert die vorige verslag.
Meer as 479 000 gesondheidsorgwerkers is tydens die eerste fase van die inentingsprogram ingeënt. Fase 2 van die inentingsprogram het verlede week begin en meer as 171 000 mense is reeds ingeënt.
Provinsiale statistieke:
Provinsie | Gevalle | Persentasie |
Oos-Kaap | 197 123 | 12% |
Vrystaat | 97 908 | 6% |
Gauteng | 444 851 | 27,2% |
KwaZulu-Natal | 338 937 | 20,7% |
Limpopo | 64 870 | 4% |
Mpumalanga | 81 245 | 5% |
Noordwes | 73 398 | 4,5% |
Noord-Kaap | 47 932 | 2,9% |
Wes-Kaap | 291 584 | 17,8% |
Totaal | 1 637 848 | 100% |
Sterftes en persone wat herstel het:
Provinsie | Sterftes | Herstel | Aktiewe gevalle |
Oos-Kaap | 11 649 | 184 895 | 579 |
Vrystaat | 4 225 | 86 517 | 7 166 |
Gauteng | 11 039 | 422 704 | 11 108 |
KwaZulu-Natal | 10 482 | 324 270 | 4 185 |
Limpopo | 2 410 | 61 953 | 507 |
Mpumalanga | 1 434 | 78 408 | 1 403 |
Noordwes | 1 844 | 66 576 | 4 978 |
Noord-Kaap | 1 027 | 38 965 | 7 940 |
Wes-Kaap | 11 764 | 276 962 | 2 858 |
Totaal | 55 874 | 1 541 250 | 40 724 |
Wat het fou gegaan met gister se verslag? Daar was nie meer as 12000 nuut soos rapporteer nie? Was 2800 plus n paar.
MM het die fout relatief vroeg herstel .
As die herstel koers meer as 90% is, is dit steeds ‘n gevaarlike pandemie.
En as mens 30% vir ‘n vak kry is dit voldoende.
Ek lag lekker want logika bestaan nie hier nie.
Dit is omdat 30% voldoende is dat hulle die ‘meer as 90%’ nie verstaan nie.
Die dertig-persenters is nie so dom as die wat nie wil verstaan dat ons met ‘n hoogs aansteeklike siekte te doen het nie .
Een van die beste ooit…..