Foto ter illustrasie/Pixabay
Die belasting op die vrystelling van koolstofdioksied tree op 1 Junie in werking.
Pres. Cyril Ramaphosa het die Wet op Koolstofbelasting onderteken en dit is op 23 Mei in die Staatskoerant gepubliseer.
Volgens die Tesourie hou klimaatsverandering een van die grootste uitdagings vir die mensdom in en is die hoofdoel van die koolstofbelasting om die vrystelling van kweekhuisgasse op ʼn volhoubare, kostedoeltreffende en bekostigbare wyse te verminder.
Die nuwe wet gee uitvoering aan die beginsel dat maatskappye moet betaal vir die koolstofdioksied wat hulle vrystel sodat maatskappye en verbruikers die negatiewe gevolge (eksternaliteite) in hul toekomstige produksie-, verbruik- en beleggingsbesluite in ag neem. Firmas word aangemoedig om skoner tegnologieë oor die volgende dekade en daarna in werking te stel.
Volgens die Tesourie sal die koolstofbelasting in fases geskied. Die eerste fase is van 1 Junie 2019 tot 31 Desember 2022 en die tweede fase vanaf 2023 tot 2030. Die samestelling van die koolstofbelasting bied ook beduidende belastingvrye uitlatingstoegewings, wat wissel van 60% tot 95% in die eerste fase.
Die inwerkingstelling van die koolstofbelasting sal volgens die Tesourie ook nie tydens die eerste fase ʼn uitwerking hê op die prys van elektrisiteit nie. “Dit sal lei tot ʼn relatief beskeie koolstofbelastingkoers wat wissel van R6 tot R48 per ton CO2.” Die rede hiervoor is om die maatskappye en nywerhede wat die meeste kweekhuisgasse produseer die geleentheid te gun om hul bedrywighede na skoner tegnologie oor te skakel deur beleggings in energiedoeltreffendheid, hernubare energie en ander lae koolstofmaatreëls.
Volgens die Tesourie sal daar ʼn oorsig gedoen word van die uitwerking van die koolstofbelasting voor die tweede fase afskop. “Toekomstige veranderinge aan tariewe en belastingvrye drempels sal ná die hersiening volg en onderhewig wees aan die normale deursigtige konsultasieprosesse vir alle belastingwetgewing.”
Die regering het sy verbintenis uiteengesit om ʼn rol te speel in die wêreldwye pogings om kweekhuisgasse te verminder. Suid-Afrika het sy eie binnelandse teikens, soos uiteengesit in die Parys-ooreenkoms, en koolstofbelasting vorm ʼn integrale deel van die versekering dat Suid-Afrika aan hierdie teikens voldoen.
Waarvoor gaan die belasting aangewend word? Of dit ‘n Staatsgeheim.
Jy mag gladnie vra waarvoor belasting aangewend word nie, dit maak die globale elite wat jou besit baie kwaad. Bly stil en betaal, hulle soek als van jou.
Dit klink alles goed en wel. Maar waarnatoe gaan die belasting? Net soos suiker belasting na die Regering wat self erken dat die land se geld vermors word. Daar is dus by-motiewe
Om bangrot staatskas te vul. Waarvoor gaan dit eintlik gebruik word. Nog geen woord is daroor gerep nie.
Waarheen gaan die geld heen??? Na Zuma of Ace toe?
Baie goed,gee aandag ook aan die riviere,see,natuurlike graslande en plant elke jaar n miljoen bome veral die wat koolstof vrate is soos die spekboom.
Europese lande betaal lande ss suid amerika geld om minder koolstof te mors sodat hul meer kan mors wat kry suid afrika dan uit die deal uit dan?china is een van die grootste besoedelaars tans dits net ekstra geld maak carbon tax. Maatskapye wat die reviere besoedel moet gekap raak hul kom niks oor nie kyk die staat van reviere in suid afrika suid afrika kom nie naby oorsee se landevwaneer dit by besoedeling kom nie wat van atoom bom ontploffings doen dit die aarde geen skade nie?
Sinnelose gebrabbel. Herhaal asseblief graad 1.
Suiwer vir belasting om die sakke te vul . ‘n Regering wat nie eers riool uit die bietjie water wat beskikbaar is kan hou nie , biljoene liters diesel verbrand omrede hulle korrupsie die krag netwerk in duie laat stort het , en besoedeling deur myne onbeheersd toelaat behoort nie eers koolstof belasting te kan spel nie . Daar is geen eerbare bedoelings van ‘n dag oud in die plek nie .
Grap van die jaar, koolstof-belasting, maar meer en groter steenkool kragstasies word gebou.
Presies HPV, indien dit nou deur is sal Eskom sekerlik baie geld moet opdok… dis die grootste klug.
Geldmaakstorie vir die die Regering. Punt
Ek wonder of ek nie belasting kan plaas op “suurstof verbruikers” nie? As ek so 5c per jaar per persoon kan verhaal wat deur SARS geadministrateur word, glo ek ek sal ook agteroor kan sit en my geldjies tel. Dink net hoe sal ek die suurstofdiewe kan vastek hiehiehie
Ek wonder maar net hoekom motoriste nou alweer 2 keer moet betaal vir die CO2 belasting. CO2 belasting word alreeds gehef op alle nuwe voertuie wat verkoop word en nou word die motoris weer belas met CO2 belasting vir dieselfde voertuig in die branstofprys.
Oorbevolking is een van die grootste probleme. Belas babas. Sommer van die heel eerste baba af. Geen vrystelling vir die eerste 2 kinders nie.
Australie het so paar jaar terug koolstofbelasting prysgegee, want die argument is, hoekom moet hulle hulle produksiepryse opstoot en minder kompeterend in die internasionale speelveld wees.
Wanneer ons regering ‘n opening sien om nog geld in die koffers te probeer inbring, dan doen hulle dit. Al wat hierdie vrate sien is net biljoene rande inkomste en nie die marginale besighede wat gaan ondergaan en al die werksgeleendhede wat daarmee heen is nie.
Waar gaan die belasting heen? En hoe gaan dit die klimaat verander? Gaan google vir Christina Figueres van die VN om antwoorde te kry. Nog vragies: wanneer het ‘n regering al ooit weer belastings totaal opgegee wanneer hulle dit eers begin hef het? En dan: Indien koolstofdioksied die lewensbedreigende storie was vir die mensdom wat ons vertel word (en belas word), hoekom word die topvrystellers daarvan (China en Indie) kragtens die Parysakkoord basies vrye teuels gegee om hulle vrystellings onbeheers te vermeerder tot 2030, waarna dit weer in oorweging geneem sal word?
Mense sit vas in julle stoele, die volgende belasting is suurstof belasting want almal haal asem!
ek neen aan dat die steenkool kragsentrales die grootste vervuilers is plus die townships met hulle steenkool stowe.
hoe gaan hulle gemeet word?
hoe gaan hulle betaal? die eskom is reeds bankrot en die townships sal gaan riot as hulle getakseer word….
Jy gaan vir die kragsentrales betaal, fred. Jou kragrekening gaan nou EERS styg. En dan gaan hulle vir jou vertel jy kan jou krag goedkoper kry van wind en son…en meer as 50% van jou bure gaan die storie glo.
Ek weet of daar nog iets oorbly waarop ons belas kan word nie,die volgende ding sal seker ons braaivleis vure wees,maar ons word alreeds so belas dat ons bykans nie meer vleis kan bekostig nie,moet dus nie julle roosters skoon maak nie dan kan ons darem nog die ou vetjies se reuk kry.
Hierdie is net nog ń geldmaakskema vir die ANC. Hulle gee soos die res van Afrika niks om vir die omgewing nie.
Die duiwel is in die detail: fabrieke, besighede, kommersiële persele, Regspersone (body corporates) en huiseienaarsverenigings gaan ook moet opdok volgens hulle elektrisiteitsverbruik.
Hier in Kanada is die koolstof belasting ook n groot politieke issue. Die skuldige massa besoedelaars China Indie en in n veel kleiner mate VSA vee hulle al lankal af aan die belasting
.
.
Bome haal koolstof in as asem….julle idiote.
.
.
Hou op chemtrails spuit.
.
.
Mag ek nie meer elke oggend langs die stopstraat staan en kar tyres brand om warm te bly nie…dis koud as ek staan en wag vir my lift.
.
.
Hoe gaan dit koolstof vrystelling verminder? Mense het sekere behoeftes wat deur industriee in stand gehou word. I.p.v. behoeftes aan te spreek wil almal nou net geld maak.