‘Spoorlyndiewe’ op heterdaad betrap

Kapt. Thabo Mosia, bevelvoerder van die Warden-polisiestasie, Thumby Govender, hoofondersoekbeampte van Transnet en Lehlohonolo Mokoena, senior beskermingsbeampte van Transnet by die gesteelde spoorlynstukke. Foto: SAPD

Kapt. Thabo Mosia, bevelvoerder van die Warden-polisiestasie, Thumby Govender, hoofondersoekbeampte van Transnet en Lehlohonolo Mokoena, senior beskermingsbeampte van Transnet by die gesteelde spoorlynstukke. Foto: SAPD

Elf verdagtes is Woensdag op ʼn plaas naby Warden in die Vrystaat in hegtenis geneem, nadat hulle betrap is waar hulle glo treinspoorlyne op die plaas gesteel het.

Lt. Zweli Mohobeleli, woordvoerder van die polisie, het gesê dit was die derde keer wat die plaas in minder as ʼn maand deur spoorlyndiewe geteiken is. Vroeër vandeesweek is spoorlyn ter waarde van R179 000 op die plaas gesteel en in Maart het diewe stukke van die spoorlyn ter waarde van R620 000 weggedra.

“Die diefstal verhoed die vervoer van waardevolle vragte en was ʼn bekommernis vir beide die polisie en Transnet. Daarom het die polisie vanoggend ʼn oog gehou op die Letuka-plaas en so die diewe vasgetrek,” het Mohobeleli gesê.

Hy het gesê die diewe was besig om die spoorlyne op te sny en op ʼn voertuig te laai, toe polisie by die toneel opgedaag het. Sewe van die verdagtes is van Zimbabwe en Mosambiek en almal is tussen die ouderdomme van 24 en 41. Die polisie het ook beslag gelê op derduisende rande se toerusting wat die verdagtes gebruik het om die spoorlyn mee op te sny.

Die verdagtes sal binnekort in die Warden-landdroshof verskyn op aanklag van diefstal.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Andre

En dan word mense vervolg omdat hul onwettige inmigrante uit buurstate vervolg en deporteer. Die toerusting wat dié spul kriminele gebruik is natuurlik ook gesteel.

Loon

Tipies, klaar hul eie land rot en kaal besteel nou kom SA volgende aan die beurt.

Irene

Ja dis buitelanders wat in ons land in stroom en kom moor en roof wat doen regering niks nie hul is seker met a doel hier????

m

Klink nie of die treinspoor baie gebruik word as die goed so lekker kan aangaan nie. Niemand het soos gewoonlik niks gesien nie. Daar is seker niks meer oor in Zimbabwe en Mosambiek nie nou kom neuk hulle ons spore op……

vollie

So plunder Afrika noord van ons oop grense ons land saam met die Zuptas. Rede vir ons 0.6% groei skatting?