Staatsamptenaar kry verrassingsbesoek ná FB-inskrywing

Minister Cwele by Mkhupheka. Foto: Verskaf

ʼn Werknemer van die departement van binnelandse sake in Scottburgh, KwaZulu-Natal, het Maandag ʼn besoek van die minister van dié departement ontvang.

Siyabonga Cwele, minister van binnelandse sake, het die departement se kantoor in Scottburgh besoek om Nosipho Mkhupheka te ontmoet. ʼn Facebook-inskrywing oor Mkhupheka het oor die naweek soos ʼn veldbrand op sosiale media versprei.

Marius Botha het in die Facebook-inskrywing vir Mkhupheka bedank vir haar uitstekende diens. “Haar kollegas het vandag om 16:00 hul werkstasies verlaat en huis toe gegaan. Mev. Mkhupheka het egter agtergebly en die laaste 40 kliënte op haar eie gehelp en met ʼn glimlag op haar gesig. Jy is my held. Suid-Afrika het meer mense soos jy nodig. Dankie,” het Botha geskryf.

Cwele het gesê Mkhupheka werk sedert 2012 as ʼn toesighouer by dié tak en dat sy al vir meer as 30 jaar ʼn staatsamptenaar is.

‘n Skermskoot van Marius Botha se Facebook-inskrywing oor Mkhupheka.

“Mev. Mkhupheka is een van die beste voorbeelde van die duisende binnelandse sake-amptenare wat daaraan toegewys is om mense met ʼn glimlag te dien. Met my aankoms was die kantore volgepak en sy was steeds besig om mense by te staan. Die mense wat daar was toe ek daar aangekom het, het gesê hulle waardeer haar werk,” het Cwele gesê.

Mkhupheka het in reaksie op die sosiale media-inskrywing en die minister se besoek gesê sy sou nie in staat wees om te dien op die wyse waarop sy dit doen nie as dit nie vir die ondersteuning van haar span en bestuurders is nie.

“Wanneer ek in die oggend my huis verlaat, sit ek myself in die skoene van die mense wat na ons kantore toe kom. Ek groet hulle wanneer ons die kantore oopsluit en kommunikeer deurlopend met hulle indien ons uitdagings het.”

Volgens Mkhupheka was sy verbaas oor die sosiale media-inskrywing. “Ek het dit nie verwag nie. Ek sal gewoonlik later as kantoorure werk saam met my kollegas Elvis Mavundla en Malcolm Ratube. Hulle is kort voor die foto geneem is huis toe nadat ons bepaal het hoe ons die oorblywende mense gaan help. Ek dank God dat Hy vir my die passie, energie en liefde gegee het om landsburgers te dien.”

Bron: SAnews.gov.za 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

45 Kommentare

jongste oudste gewildste
Spike

Ons het jou nodig vir President.

Netso

Well done! More sien jy hoe werk almal om ‘n handdruk te kry!

Johan H.

Pragtig!!!! Sy wardeer die feit dat sy n werk het, moet asb nie ingee aan die stakers wat jy nog gaan teekom nie!!

willem Botha

Een uit n miljoen maak haar die hoof van haar departement. Baie dankie.

Mel

My stukkie ‘voel goed leesstof’ vir die dag.