Staking dreig by inkomstediens

Argieffoto

Die meerderheidsvakbond by die Suid-Afrikaanse Inkomstediens (SAID) het Vrydag gesê sy lede gaan volgende week begin staak indien nie aan hul eise om salarisverhogings voldoen word nie.

Die Vereniging van Staatsamptenare (PSA) het in ʼn verklaring gesê hy het ’n kennisgewing aan die SAID gestuur om die inkomstediens in kennis te stel dat sy lede Donderdag sal begin staak nadat ʼn ooreenkoms nie gedurende loononderhandelinge bereik kon word nie.

Die PSA, wat byna die helfte van die werksmag by die inkomstediens verteenwoordig, eis ’n salarisverhoging van 11,4% vir sy lede asook ’n enkeltermynooreenkoms en salarisvordering.

Volgens Ivan Fredericks, algemene bestuurder van die PSA, kom dié staking te midde van langdurige loononderhandelinge tussen die partye wat ongelukkig nie opgelos kon word nie, ondanks die Kommissie vir Versoening, Bemiddeling en Arbitrasie (KVBA) se betrokkenheid. “Die onderhandelings het in November verlede jaar begin en die partye kon nie ’n ooreenkoms oor die afgelope vier maande bereik nie. Die PSA het ’n interne geskil verklaar om die saak op te los, maar sonder sukses. As gevolg hiervan het die PSA geen ander keuse gehad as om ’n dispuut aan die KVBA te verklaar nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Dries Moolman

Lekker lag ek nou. Staak gerus!

Sanna Hanna

Staak so gou as moontlik! Bwahaha!

Michael

Reg so !!!! Staak sommer vir altyd dan hoef julle nie te werk nie want julle en werk was nog nooit vriende nie. Soek meer geld miljoene in die land wat vir baie minder sal werk en wat graag net n werkie wil he maar dan weerhou hierdie sleg mense hulle daar van om nie n werk te he nie. Wil net he alles verniet he dit is so siek.

Willehond

Was hulle ooit by die werk? Sal hulle nie mis nie!

Carl

Die beste nuus wat ek in ‘n baie lang tyd gehoor het. Bly sommer permanent by die huis.