Vicki Terblanche se vervreemde man en vermeende moordenaar bly agter tralies.
Arnold Terblanche (53) se tweede borgtogaansoek is Maandag in die landdroshof in Gqeberha van die hand gewys. Die aansoek was volgens die verdediging op “nuwe bewyse” geskoei.
Luxolo Tyali, woordvoerder van die nasionale vervolgingsgesag in die Oos-Kaap, sê landdros Kriban Pillay het egter bevind dat daar géén nuwe feite in die aansoek is wat sy aansoek om borgtog regverdig nie.
Maroela Media het vroeër berig dat Terblanche ook misluk het in sy appèlaansoek teen ʼn vorige uitspraak oor sy aansoek om borgtog.
Hy bly nou net soos sy medebeskuldigdes, wat vroeër hul borgtogaansoeke laat vaar het, in aanhouding.
Terblanche word saam met Reinhardt Leach, Vicki se kêrel ten tyde van haar dood, en Dylan Cullis, ’n vriend van Leach, van die moord op Vickey aangekla.
Daar word beweer dat hulle saamgesweer het om haar te vermoor.
Die beskuldigdes sal weer volgende maand in die hof verskyn.
Dit bly elke keer skokkend om hierdie berigte te lees, dis darem baie wreed. Ek wonder heeltyd wat het van haar kind geword? Is hierdie man ook die pa van haar kind? Watter toekoms sal daardie seun hê… dit breek my hart.
Haar vervreemde man en haar Karel saam gesweer? Ek het nie die saak gevolg nie, klink egter na onwaarskynlike kombinasie….Sal gaan terug lees….
Sit en bly net daar waar jy is. Hier gaan nog baie geraamtes uit jou kas uit klim.