(Argieffoto: pixabay)
Swaar reën is op pad vir groot dele van die land.
Die Suid-Afrikaanse Weerdiens (SAWD) het Vrydagoggend ʼn geel vlak 2- waarskuwing vir erge donderstorms met moontlike sterk wind, hael en swaar reën vir verskeie provinsies uitgereik.
Dié waarskuwing geld die sentrale en oostelike dele van Noordwes, die oostelike dele van die Vrystaat, Gauteng, die suidwestelike dele van Limpopo, die Hoëveld van Mpumalanga sowel as die westelike en suidelike dele van KwaZulu-Natal.
⚠️Weather warning for Today, 09 February 2024:
Yellow level 2 warning for severe thunderstorms which are expected to result in heavy downpours-flooding, strong winds and large amounts of small hail. pic.twitter.com/4e0anBGWR0
— SA Weather Service (@SAWeatherServic) February 9, 2024
Die Stad Tshwane se nooddienste het vanmiddag ʼn beroep op inwoners van die metro gedoen om maar versigtig te wees.
Charles Mabaso, woordvoerder van die Tshwane-nooddienste, raai inwoners in reaksie op die weerwaarskuwings aan om binnenshuis en weg van metaalvoorwerpe te bly.
“Moenie skuiling onder bome of hoë voorwerpe soek nie.”
Mabaso raai mense ook aan om nie laagliggende paaie of brûe te midde van die reën oor te steek nie.
“Wees bewus daarvan dat enige kombinasie van hael, sterk wind, swaar reën en/of oormatige reën met storms gepaard kan gaan. Ons doen verder ʼn beroep op inwoners om waaksaam te wees en enige voorvalle onmiddellik by 107 (tolvry) of by 012 358 6300/6400 aan te meld.”
Die Laeveld sien uit na die reën, dit is baie warm hier.