SuperSport-voorval: Aanbieders vir eers nie op TV

Ashwin Willemse. Foto: SuperSport

SuperSport het Vrydag aangekondig dat Ashwin Willemse, Naas Botha en Nick Mallett vir eers nie meer op televisie sal wees nie, terwyl daar ondersoek ingestel word na die voorval waar Willemse die stel verlaat het.

SuperSport het die afgelope week met al die betrokke partye vergader in ʼn poging om die saak vriendskaplik en spoedig af te handel. “Ondanks aanvanklike goeie vordering, is die saak egter nog nie opgelos nie.

“Ons het gevolglik besluit om adv. Vincent Maleka SC, ʼn onafhanklike senior advokaat, aan te stel om as voorsitter te dien van ʼn komitee wat die voorval sal hersien en aanbevelings aan die bestuur sal maak.”

SuperSport het intussen ook besluit dat Willemse, Botha en Mallett nie verder op SuperSport sal verskyn hangende die uitkoms van die hersiening nie. “Die aanbieders is nie geskors nie en sal voortgaan om hul salarisse te ontvang ingevolge hul kontrakte.”

Die vervaardigers van die program is vasbeslote om vas te stel wat gebeur het. “Adv. Maleka is versoek om sy bevindinge en aanbevelings teen 11 Junie 2018 voor te lê.”

‘n Skermskoot uit die video van die voorval toe Ashwin Willemse tydens ‘n regstreekse uitsending van die Supersport-stel af gestap het.

Maroela Media het vroeër berig ʼn tegniese fout in SuperSport se ateljee en ʼn opmerking deur Botha het glo daartoe gelei dat Willemse tydens ʼn regstreekse uitsending uit die ateljee gestap het.

“Jy weet wat, ek speel al lank hierdie sportsoort, nes almal van ons hier. Ek, as speler, is vir ʼn lang tydperk as kwotaspeler bestempel. Ek het hard gewerk om my eie respek in dié spel te verdien, ek gaan nie verkleineer word deur twee enkelinge wat in apartheid, ʼn gesegregeerde era, gespeel het en my wil kom ondermyn nie. Ek dink ek het nou genoeg gehad, ek kan nie met mense werk wat ander ondermyn nie,” het Willemse tydens ʼn regstreekse uitsending gesê.

Daarna stap hy na Mallett en Botha en sê: “Julle kan maar daar sit en lag”, waarop Mallett antwoord: “Ek lag nie daaroor nie”.

“Julle weet presies wat gebeur het, dis reg so, ek gee nie om om verspot te wees nie. Ek is bly dit gebeur op regstreekse televisie sodat mense kan sien, julle twee sit hier – nee dis reg [sic].” En dan stap hy van die stel af.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

73 Kommentare

jongste oudste gewildste
Cheers

EN SO WORD TWEE ONSKULDIGE MANNE gestraf wat ongevraagd en unprovoked aangeval is en rassiste genoem is en apartheidspelers . kan nie glo dat dinge so ONREGVERDIG in SA uitgedraai het nie. Cheers DSTV, Cheers Supersport. Nice to have known you!

Rugga

5 driee in 19 toetse…nou sê jy vir my jy wás goed genoeg op meriete?

Koebaai DSTV

Advokaat Vincent MALEKA moet nou oor ‘n saak besluit teen twee wit ouens wat ONSKULDIG is, nie moeilik om te raai in wie se guns dit gaan swaai nie.

Casper Labuschagne

Soos ek voorspel het, gebeur dit ook nou. Botha en Mallett is miskien heel onskuldig, maar hulle het so nou giftig sinoniem met rassisme geword dat hulle nie gebruik kan word nie – elke woord, elke daad, en elke uitspraak sal deur miljoene op sosiale media gemonitor word en elke moontlike verkeerde vertolking sal ‘n woedende uitbarsting op sosiale media veroorsaak. Willemse weer is nou so onaantasbaar as benadeelde slagoffer van wrede rassisme en witbevoorregting (ja, ja, ek weet Botha en Mallett is onskuldig!) dat hy noodgedwonge sy eie program sal moet kry. En dit vriende en vriendinne, is waaraan… Lees meer »

zoom zoom

Maak vir Ashwin min van sport en sy klagtes teen Naas en Mallet sal onmiddelik stop.