Argieffoto (Foto: Megan Swart, Maroela Media)
Suid-Afrikaners moet vandeesweek die sambrele gereed hou aangesien swaar reënval oor groot dele van die land verwag word.
Die Suid-Afrikaanse Weerdiens (SAWD) voorspel dat wydverspreide reën en donderbuie in die komende paar dae oor die sentrale en oostelike dele van die land gaan voorkom.
Dit sal na verwagting Sondag vanaf Richardsbaai al langs die kus tot by Kaapstad reën, terwyl gebiede soos Upington en De Aar in die Noord-Kaap, asook Thabazimbi in Noordwes en Polokwane in Limpopo ʼn 30%-kans op reën het.
Volgens die weerdiens het Bloemfontein, Bethlehem en Pietermaritzburg Sondag ʼn 60%-kans op reën.
⛈️Weather for tomorrow, (07 January 2023). Partly cloudy and warm, but hot in places over the central parts with scattered to isolated showers and thunderstorms over the central and eastern areas.
⚠️Warning: None. #saws #southafricanweather #WeatherForecast pic.twitter.com/8WI01xjfDN— SA Weather Service (@SAWeatherServic) January 6, 2024
Dié erge reën sal na verwagting Maandag en Dinsdag voortduur wanneer dié gebiede ʼn 80%-kans op reën het.
Benewens die gebiede wat ʼn 80%-kans op reën het, sal die res van die land steeds warm tot uiterste temperature te midde die reënbuie ervaar.
⛈️Weather outlook for Monday , (08 January 2023). Partly cloudy and warm, but cool in places over the central parts with widespread to scattered showers and thunderstorms over the central and eastern areas.
Otherwise, fine and hot. #saws#southafricanweather#WeatherForecast pic.twitter.com/KoMTv8h3bk— SA Weather Service (@SAWeatherServic) January 6, 2024
⛈️Weather outlook for Tuesday , (09 January 2023). Partly cloudy and warm, but cool in places over the central parts with widespread to scattered showers and thunderstorms.
It will be fine and warm over the south-western parts.#saws pic.twitter.com/DcTefp6Rqw— SA Weather Service (@SAWeatherServic) January 6, 2024
Die gure weerstoestande het reeds 40 lewens in KwaZulu-Natal geëis en talle dakloos gelaat.
Die provinsie se departement van samewerkende regering en tradisionele sake sê twee plaaswerkers is dood toe hulle in Bergville deur weerlig getref is. Sowat 50 mense is ook deur die weerlig beseer, en nog vier mense is na ʼn hospitaal geneem waar hulle tans herstel.
Hoewel die weerdiens in hierdie stadium geen weerwaarskuwings uitgereik het nie, het hy daarop gewys dat verskeie dele van die land donderstorms kan verwag.
