Swaar straf vir vrou wat baba in veld laat

Argieffoto

ʼn 23-jarige vrou van Noordwes is vroeër die week swaar gestraf vir die moord op haar twee week oue baba.

Lt.kol. Pelonomi Makau, woordvoerder van die polisie, het gesê Mafiesi Mokeki is Woensdag in die Stilfontein-landdroshof tot 15 jaar tronkstraf gevonnis.

“In Augsutus 2016 het die beskuldigde haar twee week oue baba met opset in die bosse naby die Tony-mynskag in Stilfontein gelaat. Tuis het familielede haar uitgevra oor die baba,” het Makau gesê.

Die familie het glo die saak by die polisie gaan aanmeld toe Mokeki nie kon verduidelik waar die baba was nie.

“Die polisie het vinnig opgetree en Mokeki oor die baba ondervra. Sy het erken sy het die baba in die bosse agtergelaat. Sy is saam met die polisie na die mynskag waar die baba dood aangetref is,” het Makau gesê.

Lt.genl. Baile Motswenyane, provinsiale polisiekommissaris, het die straf verwelkom.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
Alida

Wat noem mens dit? Beskaafd of barbaars?

snoefie

dit help nie on “straf te verwelkom nie. begin deur die kindertoelaag te stop. gaan kyk berus Hoeveel babas word verwaarloos. arme goedjies was net verwek om die toelaag te kry. gaan kyk ook hoeveel ma’s en pa’s werk maar kry toelaag. as jy nie n kind ksn bekostig nie, MIENIE KINDERS KRY NIE.

Alida

As beide ouers werk stop die toelaag. Dit is maklik.

dirk L

Afgryslike daad. Onmenslik. Hierdie dade gaan nie minder word nie, die hele stelsel word gemelk vir geld. As n vrou geskool genoeg was sou dit nie gebeur het nie

André

Net 15 jaar vir moord?