Teenveldtog poog om afbrekende kunswerk te oorskadu

Die uitstalling.

Die vakbond Solidariteit het vandag sy veldtog teen die afbrekende “F*** white people”-kunswerk deur Dean Hutton van stapel gestuur. Die veldtog het ten doel om hierdie “kunswerk” toe te plak – met positiewe, opbouende woorde waarmee elke Suid-Afrikaner kan identifiseer.

Dit volg nadat Solidariteit verlede week in ʼn aanlyn meningspeiling die publiek gevra het wat hulle van die berugte “F*** White People-kunswerk” dink. Duisende mense het aan hierdie peiling deelgeneem en sowat 85% mense het aangedui dat die “kunswerk” hulle grief. Na aanleiding van hierdie uitslag het Solidariteit besluit dat daar ruimte is vir ʼn positiewe alternatief vir hierdie kunswerk.

Volgens Juran van den Heever, hoof van kommunikasie by Solidariteit, glo die vakbond egter dat dié uitstalling kortsigtig is in tye waar rasseverhoudinge in Suid-Afrika uiters sensitief is. “Hierdie ‘kunswerk’ saai verdeeldheid en in vandag se tyd verdien dit dus geensins enige uitstalruimte nie,” het hy gesê.

Van den Heever voer aan dat die rassespanning in Suid-Afrika nie verder aangeblaas moet word nie, maar dat daar eerder maniere gevind moet word om te wys dat ons nie in negatiwiteithoef te verval soos wat deur hierdie “kunswerk” weerspieël word nie.

Solidariteit benodig jou hulp om die negatiwiteit wat deur die “kunswerk” aangeblaas word, met positiwiteit te beveg. “Kom ons bou eerder almal saam aan die dinge wat werklik belangrik is in ons land: beter onderwys, produktiewe werkplekke en veilige gemeenskappe,” het Van den Heever beklemtoon.

Landdros D.M. Thulare het vroeër in die hofstryd tussen die Cape Party en die Nasionale Kunsmuseum in Kaapstad gelas die werk is nie haatspraak nie maar eerder ʼn uitdrukking van kuns. Volgens Thulare is die werk van Dean Hutton nie onbillike diskriminasie op grond van ras nie.

Die uitstalling bevat net die woorde “F*** white people” wat in swart en wit gedruk is, saam met ’n stoel en goue stewels. Die uitstalling is sedert begin vanjaar by die museum te sien en is in Januarie deur lede van ʼn politieke party geskend.

Lees meer oor die teenveldtog.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

15 Kommentare

jongste oudste gewildste
Dovaz

Kuns se m%$#!!!! En dit nogal a wit persoon (hoop die Dean Hutton is a wit persoon) wat teen sy eie ras, kleur en nasie rasse wraak en haat aan huts!!! Hoekom kan daaraan niks gedoen word nie?

Swartkat

Die stoel simboliseer die wittes se rusplek voordat hulle deur die ANC regering met ‘ n goue stewel onder die agterstewe geskop word. Zimbabwe het ook gedink dit is kuns toe hulle die witmense se grond, werk en land gevat het. Dit wat deur dekades opgebou is word deur die kuns van bedrog en diefstal en plaasmoorde daagliks vernietig.

Annette Stander

Die sogenaamde kunstenaar is ‘n breinlose vermorsde witvel

Dean

Dean Hutton sal doodeenvoudig weghol oorsee indien die massas sal begin march. Lafaard. Mag jy dan verantwoordelik gehou word.

Johann Marx

Gaan Google Images bietjie vir Dean Hutton….en besluit self of sy die moeite werd is om oor te huistoe te skryf…..Shame, man…