Dr. Nandipha Magudumana tydens haar vorige hofverskyning. (Foto: AFP)
Vier beskuldigdes sal vandag in die Bloemfonteinse landdroshof verskyn vir hul beweerde aandeel in die ontsnapping van die veroordeelde moordenaar en verkragter Thabo Bester.
Bester se vriendin, dr. Nandipha Magudumana, sal vir die eerste keer saam met haar pa, Zolile Sekeleni (65), in die hof verskyn.
Die ander twee beskuldigdes is Teboho Lipholo en Senohe Matsoara. Die beskuldigdes staan tereg op verskillende aanklagte, waaronder moord, dwarsboming van die gereg, medepligtigheid en brandstigting.
Lipholo is ʼn werknemer van ʼn maatskappy wat gekontrakteer is om kameras by die Mangaung-maksimumveiligheidsgevangenis te installeer en in stand te hou, terwyl Matsoara ʼn bewaarder by die tronk was.
Die veroordeelde moordenaar en verkragter Thabo Bester tydens sy hofverskyning (14 April 2023) (Foto: AFP)
Bester het Vrydag in hand- en voetboeie in die Bloemfonteinse landdroshof verskyn – waar sy regsverteenwoordiger aangevoer het dat hy vir sy lewe vrees. Die saak teen Bester is tot 16 Mei uitgestel.
Bester, wat die Facebook-verkragter gedoop is, is in 2012 lewenslange tronkstraf opgelê nadat hy slagoffers op dié sosialemediaplatform gelok en hulle dan verkrag en beroof het. Hy het minstens een van sy slagoffers vermoor.
Hy het sowat ʼn jaar gelede tydens ʼn gewaagde ontsnapping uit die tronk verdwyn. ʼn Verbrande liggaam is in Mei 2022 in Bester se tronksel aangetref, wat die owerhede aanvanklik laat glo het dat hy homself aan die brand gesteek het. DNS-monsters het egter later gewys die oorskot in die sel is nie dié van Bester nie.
Bester en Magudumana is vroeër die maand in Tanzanië aangekeer nadat hulle landuit gevlug het.
Gedink hy gaan vir ewig wegkom! Ongelukkig haal jou sondes jou een of ander tyd in.
Gaan ook siek speel soos. Shbier Shaik en Zuma
Shabier Shaik.
Thabo Thabo al so siek vir die storie.
En dit is hoe ‘n narcissistic psychopath normaalweg goeie mense saamsleur op sy pad van vernietiging! En daar loop BAIE van hulle tussen ons rond elke dag – jy is dalk met een getroud….