Toeris sterf ná kameelperd op voertuig val

(Foto: Sanparke)

Die Switserse toeris wat die naweek ernstig beseer is toe ʼn kameelperd tydens ʼn botsing in die Krugerwildtuin op sy voertuig beland het, is in die hospitaal oorlede.

Isaac Phaahla, woordvoerder van SANParke, het bevestig die toeris is Woensdag in die Milpark-hospitaal in Johannesburg oorlede.

Die voorval het Sondag naby die Mopani-ruskamp plaasgevind. SANParke het vroeër gesê ʼn minibus met 13 dagbesoekers was op pad na Letaba, toe die kameelperd glo voor die voertuig ingeloop het.

Die minisbusbestuurder kon glo nie die kameelperd vermy nie en het met die dier gebots. (Foto: Sanparke)

Die minibus se bestuurder kon glo nie ʼn botsing met die dier vermy nie en die kameelperd het op ʼn gehuurde safarivoertuig te lande gekom.

Die bestuurder, ʼn Switserse burger, is ernstig beseer. Sy passasier het geringe beserings opgedoen. Twee van die insittendes in die minibus is na ʼn hospitaal vir waarneming geneem. Die kameelperd is op die toneel dood.

Phaahla het ook bevestig die polisie ondersoek die voorval. “Ons doen dus ʼn beroep op mense om nie oor die voorval te spekuleer nie en die reg sy gang te laat gaan.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

53 Kommentare

jongste oudste gewildste
Nika

Ja hoe durf mens spekuleer, want alles is tog nou so sensitief maar die hele Suid-Afrika weet hoe minibus bestuurders ry op ons paaie en meeste mense weet daai pad is n ‘shortcut’ vir hulle van punt A tot punt B.
13 dag besoekers? Waar is bewyse van hulle ingang slippies / vooie wat betaal is? Waar is al daai 13 dagbesoekers nou?

Sakkie

Yup ons mag nie spekuleeer nie, want ons weet wat die waarheid is.

Dom

Taxi het onverantwoordelik gery maar sy vel gaan hom laat wegkom met moord!!!!

Bella

Was Sept vakansie in die wildtuin. Die taxis steur hulle niks aan spoedgrens nie. Ry met spoed en as jy dalk in die pad is word jy dood eenvoudig met flikkerende ligte van agter af uit die pad gehaal

B

Opskrif moes eintlik lui ‘Toeris sterf na taxi ongeluk veroorsaak’

(Wat is die spoedbeperking in die Wildtuin?)