ʼn Jong man van Hartbeespoort in Noordwes het in die vroeë oggendure van Saterdag verdrink ná ʼn ongeluk by die gewilde damwal.
Callie Erasmus (20) se lyk is gekry sowat ses ure nadat hy in ʼn skag afgeval het. Brigadier Sabatha Mokgwabone, polisiewoordvoerder, sê Noordwes-duikers het Erasmus se liggaam in die rivier gevind. Dit het daar geland nadat sy liggaam onder deur die rivier-uitlaatsluise gespoel het. Die sluise loop in die kanaal uit. ʼn Geregtelike doodsondersoek is by die Hartbeespoort-polisie geopen en die voorval word ondersoek.
Arthur Crew, stasiebevelvoerder van die Nasionale Seereddingsinstituut (NSRI) op die dorp, het die voorval as ʼn “werklik tragiese ongeluk” bestempel.
Hy was deel van die reddingspan wat Saterdagoggend op die toneel was.
“Ons het die liggaam in die kanaal gevind en toe begin met die proses om dit uit te haal.”
Die span het Erasmus se lyk omstreeks 07:30 gevind.
Maroela Media verneem betroubaar ʼn groep vriende was by die damwal, toe die slagoffer sowat 10 m ver in ʼn skag afgeval het. Dit blyk die deksel of staalrooster bo-op die skag is verwyder en die groep het met die trappies na onder geklim toe die ongeluk gebeur het.
Die jong man het met die pyp afgeval nadat sy voet glo gegly het.
Wat sê ‘n mens? As dit nie ‘n puttoilet by ‘n skool is nie, is dit ‘n skag by die damwal sonder ‘n staalrooster/deksel. Wie is te blameer daarvoor?
DIefstal die oorsaak van die jong man dse dood.Sterkte aan sy familie en vriende.
Eerstens moet gevra word wie die staalrooster verwyder het en tweedens hoekom het die groep met die trapped na benede geklim.Ek dink nie die trapped is toeganklik vir die publiek nie.
Casper daar stem ek saam met jou.
“… in die vroeë oggendure van ‘n Satedagoggend en ‘n groepie vriende ….” hmmm, dit laat my dink dat die arme slagoffer dalkies nie lekker by sy volle ….eh…. bewussyn was toe die insident gebeur het nie?