Emeritus aartsbiskop Desmond Tutu en sy vrou, Leah, is ongedeerd nadat ʼn brand Woensdagoggend in hul aftreehuis uitgebreek het.
Die egpaar woon in ʼn oord in Hermanus in die Suid-Kaap.
Luidens ʼn verklaring van die Desmond & Leah Tutu-nalatenskapstigting is die egpaar nie beseer nie en opgeruimd, gegewe die oggend se dramatiese gebeure.
Die Tutu’s het die personeel van die aftreeoord, die nooddiens en almal wat hulle sterkte toegewens het vir hul bystand bedank.
“Ons kan nie die personeel by die aftreeoord genoeg bedank vir hul goedhartigheid en vinnige optrede nie; nog minder die brandweerlede – onbesonge helde – op wie se dapperheid ʼn mens in moeilike omstandighede staatmaak. God seën hulle,” het die egpaar gesê.
Die oorsaak van die brand is in hierdie stadium nog nie bekend nie. Dit is moontlik deur ʼn foutiewe gasverwarmer veroorsaak.
Ek het Tutu nog nooit as ń kerkman beskou nie. In my oë is hy ń uiterste oppertunis. Volgens my siening is hy geensins nuuswaardig nie.
Amper sit hy met die gebakte pere.
Het nie eens geweet hy leef nog nie.