Twee doodgeskiet in Kaapstad

Argieffoto: SAPD/Facebook

Argieffoto: SAPD/Facebook

Twee mense is Woensdag in twee afsonderlike skietvoorvalle in Kaapstad dood, het die Wes-Kaapse polisie gesê.

Kapt. FC van Wyk, woordvoerder van die polisie, het gesê ses mans het omstreeks 11:00 Woensdagoggend ʼn kontantafleweringswa by die Nolungile-treinstasie in Khayelitsha probeer beroof. “Drie veiligheidswagte het geld by die treinstasie afgehaal toe die ongeïdentifiseerde verdagtes op hulle losgebrand het.”

Volgens Van Wyk het die veiligheidswagte teruggevuur en een van die verdagtes, ʼn 30-jarige man, doodgeskiet. Die ander verdagtes het leë hande van die toneel gevlug.

In ʼn afsonderlike voorval is ʼn man in Scottsville in Kraaifontein doodgeskiet. Robert Daniels, woordvoerder van die provinsiale nooddienste, het gesê die man is in die kop geskiet.

Volgens Van Wyk is twee mans in verband met die voorval in hegtenis geneem. Hulle sal binnekort in die hof verskyn op aanklag van moord. “Die motief vir die moord is onbekend.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.