Twee ‘gewapende rowers’ in KZN doodgeskiet

Argieffoto

Die waarnemende provinsiale polisiekommissaris, lt.genl. Nhlanhla Mkhwanazi, het ʼn groep polisiebeamptes geloof vir hul dapperheid ná hul betrokkenheid Donderdag in ʼn operasie om vermeende gewapende rowers aan die noordkus van KwaZulu-Natal aan te keer.

Brig. Jay Naicker, woordvoerder van die polisie, het gesê verskeie polisie-eenhede was omstreeks 12:00 besig met ʼn gesamentlike operasie op die N2 naby Nyoni. “Polisiebeamptes het die motor opgemerk wat die verdagtes gebruik het. Hulle wou die bestuurder voorkeer, maar die twee insittendes het op die beamptes begin skiet. Die polisievoertuig is beskadig.”

Naicker het gesê die twee verdagtes is noodlottig gewond tydens die skietery met die polisie.

“Beamptes het beslag gelê op twee ongelisensieerde vuurwapens. Die mans word vermoedelik verbind met verskeie sake van gewapende roof in KwaZulu-Natal.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

5 Kommentare

David ·

Die polisie in KZN vat nie nonsens van kabouters nie… wel gedaan !

humor ·

Hierdie KZN polisie doen hul werk uitstekend en verdien alle lof. Kan daar nie n soort kompetiesie met groot toekennings in die polisiemag gestig word tussen streke nie.

Elna ·

Ek stem saam. Nou moet hulle net nog die sindikaat vang wat huis inbrake reel hierso in die Suid kus. Hulle het oor die naweek 14 huisinbrake gehad waarvan ons een van hulle was. Ek dank die Vader dat ons almal veilig en ongedeurd is. Huis inbrake ruk erg hand uit op die hele suid kus. Meer polisie en law inforcement moet hier aangestel word asb die crimerate is baie hoog hier.

Cherokee ·

Jy verras my met wat jy sê Elna. Ek woon op presies tussen Suid & Noordkus. Links van my is Noordkus en Regs is Suidkus en as ek omdraai is dit andersom. Nog nooit die idee gekry dat misdaad erger is aan de regterkant as aan die linkerkant nie. Miskien is dit jou (ek is Engels ingestel en soek die woord vir perception) omdat julle deurgeloop het, maar daar is miskien nie rede om te dink dit gaan erger op die Suidkus as elders. Jammer om te hoor julle het ook deurgeloop.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.