Argieffoto
Twee mense is dood in twee aparte brande wat Woensdagoggend in Kaapstad uitgebreek het.
Volgens Jermaine Carelse, woordvoerder van die brandweer en reddingsdienste in Kaapstad, het hulle Woensdag net ná 03:00 op ʼn brand in Mars-weg, Ocean View, gereageer.
ʼn Liggaam van ʼn man wat noodlottige brandwonde opgedoen het, is uit die puin verwyder. Die brand is net ná 04:00 geblus.
Nóg ʼn brand het dieselfde oggend in De Havilland-straat in The Hague in Kaapstad uitgebreek. Dit was na wat verneem word ʼn informele nedersetting wat in die brand deurgeloop het. By die aankoms van Belhar se brandweer en reddingsdienste, is dié nooddienste deur omstanders ingelig dat een persoon vermis word. ʼn Liggaam van ʼn minderjarige meisie is later gevind.
Die brand is om 9:22 geblus.
Die polisie is tans op albei tonele om ondersoek in te stel. Geen verdere inligting is nog bekend gemaak nie.
Daar is deesdae uitsonderlik baie brande. Is dit normaal of is daar n element van misdadigheid te bespeur?.