Die polisie in Mpumalanga het bevestig twee tweelinge, onderskeidelik agt en 13 jaar oud, is Maandag in die vroeë oggendure verkool.
“Die polisie is na ʼn toneel ontbied waar ʼn brand by ʼn plakkershuis in die Marikana- informele nedersetting in Hendrina uitgebreek het,” sê brig. Selvy Mohlala, woordvoerder van die polisie. Brandbestryders is ook na die toneel ontbied.
Ongelukkig is twee stelle tweelinge, twee seuns en twee meisies, dood verklaar.
“Die oorsaak van die brand is nog nie bekend nie, maar los kabels was op die grond te sien. Dit kan dus moontlik met ʼn onwettige kragverbinding verband hou.”
Die 33-jarige ma van die kinders het hulle na bewering drie dae gelede in die sorg van hul 17-jarige boetie gelaat. “Toe die brand uitgebreek het, wou die broer sy broers en susters red, maar hy kon nie iets doen nie, omdat die brand reeds in ʼn gevorderde stadium was.”
Die ma en die 17-jarige seun is na ʼn hospitaal in Middelburg geneem om vir skok behandel te word.
Die polisie doen ʼn geregtelike doodsondersoek. Die ondersoek duur voort.
Onwyse optrede
Sy moes dalk gaan werk..en 17 jr is oud genoeg.vir oppasser
Ai, wat ‘n tragedie. Rus in vrede.
Dit is verskriklik. Kulture en opvoeding verskil darem maar net verskriklik.
Vir die 17 jarige moet dit verskriklik traumaties wees.