Uitspraak gelewer oor Roets se vlag-twiet

Ernst Roets buite die hof op ‘n vorige geleentheid.

Die gelykheidshof in Johannesburg het bevind Ernst Roets, AfriForum se hoof van beleid en aksie, het nié minagting van die hof gepleeg toe hy verlede maand ʼn foto van die ou landsvlag op sosiale media geplaas het nie.

Roets het ʼn foto van die vlag kort nadat die hof beslis het dat die vertoon daarvan in sekere kontekste op haatspraak neerkom, getwiet met die vraag: “Het ek nou net haatspraak gepleeg?”

Die Nelson Mandela-stigting het daarna ʼn klag van minagting van die hof teen hom aanhangig gemaak en die hof versoek om Roets tronkstraf op te lê.

Roets se verweer is dat hy bloot ʼn akademiese vraag as doktorale student gestel het. Die stigting glo egter dat die plasing onder die voorwendsel van akademiese debat gemaak is.

‘n Skermskoot van Ernst Roets se twiets.

Kallie Kriel, uitvoerende hoof van AfriForum, sê vanoggend se uitspraak bevestig net die burgerregte-organisasie se mening dat die stigting van die begin af geen voet gehad het om op te staan nie.

“Die [stigting] het geen saak gehad nie en is bloot op ʼn heksejag teen mense wat dit durf waag om van hulle te verskil.”

Kriel het die uitspraak as ʼn oorwinning vir burgerlike vryheid en teen die stigting se onverdraagsaamheid en sensuur bestempel.

Die klag is teen Roets én AfriForum aanhangig gemaak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

113 Kommentare

jongste oudste gewildste
Al

Baie geluk Ernst Roets!

Cabous

Ons vir jou Suid Afrika

TDW

Hierdie is baie goeie nuus.

Marius

Ek is baie trots om ‘n lid van Afriforum te wees. Geluk Ernst.

Ray

Ons vir jou Suid Afrika