UK kry hofbevel teen studente

Die bus wat tydens Dinsdagaand se betogings aan die brand gesteek is. Foto: UCT

Die bus wat tydens Dinsdagaand se betogings aan die brand gesteek is. Foto: UCT

Die Universiteit van Kaapstad (UK) het ʼn tussentydse interdik gekry teen 16 lede van die RhodesMustFall-beweging, onder wie die seun van Eskom se uitvoerende hoof.

Volgens die hofbevel mag die 16 respondente tot 26 Februarie nie enige van die universiteit se persele betree of daar woon nie. Die respondente mag egter na die koshuise terugkeer indien hulle amptelik toestemming het om daar te woon.

Die respondente mag ook nie deelneem aan enige aksies wat die lewering van dienste of besluitnemingsprosesse by die universiteit kan beïnvloed nie. Dit sluit onder meer in die oprigting van enige ongemagtigde strukture, die vernietiging of ontsiering van enige van die universiteit se eiendom of die aanhitsing van geweld.

Die respondente is Sanchia Davids, Kirsten Whitfield, Mogezi Mayepi, Neo Reiloe Mancapa, De Waal Hugo, Itumeleng Nkululeko Molefe (seun van Eskom se Brian Molefe), Dumisani Ncubani, Athabile Nonxuba, Alex Hotz, Pam Dhlamini, Masixole Mlandu, Slovo Magida, Zola Shokane, Brian Kamanzi, Ru Slayen en Chumani Maxwele.

Chaos het Dinsdagaand by die universiteit uitgebreek toe betogende studente op ʼn gewelddadige plundertog gegaan en polisiebeamptes skokgranate afgevuur het. Die betogende studente vroeg Dinsdagaand skilderye en ander kunswerke uit die Smuts, Fuller en Jameson-koshuise verwyder aan die brand gesteek. Die studente het ook asblikke, ʼn bakkie en bus van die Jammie-pendeldiens aan die brand gesteek. Nog ʼn bus is met klippe bestook, terwyl verskeie brande ook regoor die kampus gestig is.

IOL berig intussen dat Molefe en sewe ander studente Dinsdag in die Wynberg-landdroshof verskyn het op aanklag van kwaadwillige saakbeskadiging en dat hulle op borgtog van tussen R800 en R1000 vrygelaat is. Hulle moet weer op 30 Maart in die hof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

26 Kommentare

jongste oudste gewildste
DPJ

Dankie dat die mense nou die kampus verbied word.
Dit is egter nie die korrekte manier om met terroriste te handel nie maar is ‘n begin.

François

Jaag hulle doodeenvoudig weg. Hulle het glad geen plan om te studeer nie! Universiteite is nie plek vir rampokkers nie!

Wilma

Hulle moes al lankal van die lot ontslae geraak het. Hulle maak dit net moeilik vir die studente wat eintlik daar is om te studeer!

Michael

Ek hoop die universiteit stel ‘n siviele eis in teen molefe van Escom hy verdien mos ‘n astronomiese salaris en is seker verantwoordelik vir sy kind se dade.

Ronel

Ek hoop ook so Micheal. Die klomp moes lankal die kampus verbied word.