Kovsie-studente onskuldig bevind

Cobus Muller en Charl Blom Foto: all4women.co.za

Cobus Muller en Charl Blom Foto: all4women.co.za

Twee mans wat daarvan beskuldig is dat hulle ʼn medestudent op die Bloemfontein-kampus van die Universiteit van die Vrystaat aangerand het, is vrygespreek op alle aanklagte.

Cobus Muller het tereg gestaan op aanklagte van roekelose bestuur, crimen injuria, poging tot moord en aanranding. Charl Blom is van aanranding beskuldig. Altwee het onskuldig gepleit op alle aanklagte.

Die staat het aangevoer dat die twee in Februarie probeer het om Muzi Gwebu met hul bakkie om te ry. Gwebu het aangevoer toe hy die twee daarna gekonfronteer het, het hulle hom aangerand.

Die Menseregtekommissie het ook verlede week bevind dat daar nie enige stawende bewyse bestaan om onweerlegbaar te bevind dat dit ʼn rassevoorval was of dat Gwebu se menseregte geskend is nie.

“Ons neem kennis van die landdros se beswaar oor teenstrydighede in die getuienis en dat die klaer nie ʼn geloofwaardige getuie was nie,” het die universiteit in ʼn verklaring gesê. “Ons gee die verweerders die voordeel van die twyfel.” Die universiteit het bevestig dat, in die lig van die hofuitspraak en die bevinding van die MRK, altwee studente se skorsing van die universiteit se kampusse met onmiddellike effek gekanselleer word.

Muller het verlede jaar sy BSc in konstruksiebestuur voltooi, maar kon, weens sy skorsing, nie die gradeplegtigheid in April bywoon nie. Blom word toegelaat om terug te keer om sy studies te voltooi.

“Die universiteit sal ook nie voortgaan met enige tugstappe teen Muller of Blom nie,” lui die verklaring.

Jonathan Jansen, visekansellier en rektor van die universiteit, het gesê hy is bly die saak is nou afgehandel. “Dit was ʼn baie moeilike tyd vir die universiteit en ek is dankbaar dat die studente regdeur die krisis merkwaardige selfbeheersing en dissipline getoon het,” het hy gesê.

Blom en Muller is Dinsdag in die Bloemfonteinse streekshof vrygespreek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
"Huh!"

Nou toe nou! Geluk julle twee. Mens kan dit skaars glo.

Christiaan Potgieter

“Ons gee die verweerders die voordeel van die twyfel.” Daar is nie twyfel nie, hulle is vrygespreek!

SNEL

Wonderlik!!!!

Johan

Moet ‘n bitter pil wees vir die Prof…

Tokkie

Ek hoop die twee stel ‘n siviele eis vir skadevergoeding teen die klaer en die universiteit in.