Varke verhonger, vreet glo mekaar op Modise se plaas

Thandi Modise

Thandi Modise

Varke is glo besig om te verhonger en mekaar te vreet op ‘n plaas wat aan Thandi Modise, voorsitter van die Nasionale Raad van Provinsies behoort, berig die Sunday Independent.

Modise het ongeveer drie jaar gelede die multi-miljoenrandse plaas Modderfontein naby Potchefstroom gekoop.

Die polisie en die Dierebeskermingsvereniging (DBV) het Saterdag die plaas besoek. Die oorblywende 85 varke op die plaas het 58 gevrekte varke begin vreet en het glo hul eie urine gedrink. Skape, ganse, bokke en eende het ook op die plaas gevrek.

Die diere is glo moontlik al langer as ‘n week sonder kos. Daar is geen plaasarbeiders of elektrisiteit op die plaas nie en die waterpompe is gebreek.

Modise het gesê sy het Saterdag van die verwaarlosing te hore gekom. “Ek is nie ‘n boer nie. Ek probeer nie boer nie,” het sy gesê. “Ek leer nog. Maar as jy ‘n vrou is en jy leer nog, dan mag jy nie foute maak nie.” Sy sê die plaasbestuurder het ‘n familienoodgeval gehad en sy vervanger het verdwyn. -SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Riette de Beer

enige iemand weet dat as jy diere het die goed moet eet, jy het nie n graad nodig vir dit te weet nie. Dis onmenslik om enige lewewende wese te laat vrek van die honger. Jy is die eienaar, jy is verantwoordelik.

Elize

Dis wat gebeur as hulle plase wil he! Hulle wil boer maar sal nie verantwoordelikheid vat vir hul onkundigheid nie!

Trippie

SKOKKEND – SKANDE.

Haar verweer is GEEN verskoning.

madelaine

Ek weet van nog sulke varke naby Rocky Drift tussen Nelspruit en Witrivier waar hulle die nuwe skool bou agter die nuwe hospitaal. Kanne glo dat die mense dit net so los nie. Het nou die dag n bakkie vrag van my eie varke se kos daar gaan afgee. Hoop net die varke het dit gekry. MaR een dag se kos en water maak nie op vir die res van die dae nie, die eienaar van die varke het gesit en was besig om hom dik te eet toe ek daar opdaag maar die varke word gemartel sonder kos of… Lees meer »

kitta herbst

Dis erg,ek kry altyd die onskuldige kindertjies so jammer,soveel mense in so n klein bakkie.