Foto: Verskaf
Die Passasierspooragentskap (Prasa) het veiligheid by Parkstasie in Johannesburg opgeskerp nadat grootskaalse vandalisme Dinsdag daar voorgekom het.
“Volgens veiligheidspersoneel het ʼn aantal misdadigers op gewelddadige wyse die treinstasie binnegekom waarna winkels geplunder is en glas toegangshekke, kaartjieverkooptoonbanke en selfs motors beskadig is,” het Nana Zenani, woordvoerder van Prasa, gesê.
Foto: Verskaf
ʼn Trein is ook met klippe bestook. Die polisie was op die toneel en die situasie het vinnig na normaal teruggekeer.
“Prasa sal veiligheid by die stasie opskerp tesame met groter polisieteenwoordigheid. Prasa sal nie toelaat dat kriminele hom teister nie. Ons het die nodige veiligheidspersoneel om te verseker dat so iets nie weer gebeur nie,” het dr. Nkosinathi Sishi, uitvoerende hoof van Prasa, gesê.
Prasa het enige iemand met inligting oor die voorval versoek om die polisie so gou as moontlik daarvan in kennis te stel.
Prasa is mos ook in n gemors agv anc kader korrupsie
Bring Spoorweg Polisie terug, sodat daat orde kan kom en geen misdadigers stasies en treine kan verniel nie. Die mense is werkloos, en met hul gedrag, kan niemand hul indiens neem nie. Kan hul nie verstaan om dit wat nie aan jou behoort te beskadig nie? Daar moet opvoedingsklasse aangebied word dat die mense kan geleer word.
Stem saam met jou .Bring terug die spoorweg polisie
En wie gaan die spoorweg polisie betaal?
Opgeskerp ? Voorkomend bestaan nie in die mense se woordeskat nie .
Alles wat 100% gewerk het is afgebreek weens n gebrek aan kundigheid.
Funny!
Die bestuur is korup