(Foto: Megan Swart/Maroela Media)
ʼn 40-jarige verdagte (en vermeende bendelid) is Donderdag in hegtenis geneem in verband met die skietdood van Toufeeq Williams (37), ʼn lid van die Wes-Kaapse regering se program vir die bevordering van wetstoepassing, beter bekend as LEAP.
Maroela Media het vroeër berig Williams is Sondagmiddag noodlottig deur ʼn dwaalkoeël gewond terwyl hy saam met sy dogter in Beacon Valley, Mitchells Plain, gestap het.
Die kantoor van die Wes-Kaapse provinsiale polisiekommissaris sê iemand is sedertdien in hegtenis geneem danksy die polisie in Grassy Park se waaksaamheid en vinnige reaksie.
Speurders het ondersoek ingestel, ʼn uitkenning van die verdagte gedoen en bevestig dat die man deur medebendelede in die Grassy Park-polisiëringsgebied gehuisves word.
Die verdagte sal in die landdroshof in Mitchells Plain verskyn sodra hy formeel aangekla is.
Moord is maklik. Té maklik. En so ook die tronk.
Hoekom word die boere moordenaars nie so vinnig aangekeer nie?
Want die boere is nie meer in beheer van die polisie nie …..dis hoekom daar so lekker party in die land is . En ons is defnitief nie genooi nie .
Hul werk nie vir SAPD nie. Net sulke moorde word nagespoor. Hul beskerm net hul eie mense.
Alles te maklik in SA regtig