ʼn Man wat daarvan beskuldig word dat hy springstof aan rowers verkoop wat kitsbanke en transitovoertuie teiken, is Donderdag in die vroeë oggendure by sy huis aangekeer.
Die Valke het reeds in September verlede jaar inligting ontvang oor ʼn verdagte wat glo die saamgestelde springstof verkoop. Volgens kapt. Matimba Maluleke, woordvoerder, was die verdagte sedertdien in die polisie se visier.
Die man is gisteroggend vroeg in samewerking met lede van die Limpopo-intelligensie-eenheid by sy huis in die Noord-Kaap aangekeer.
Die springstof is glo gebruik om kitsbanke mee oop te blaas en transitovoertuie te teiken in veral die omgewing van Tzaneen en Burgersfort, sê Maluleke.
Die man sal na verwagting Vrydag in die Ritavi-landdroshof verskyn op aanklag van ʼn oortreding van die Wet op Springstof.
Wie is hy name en shame hom
Ek stem. Laat ons weet
In gevolge ons wetgewing mag sy naam eers bekend gemaak word sodra hy in die hof verskyn en gepleit het op die aanklagte teen hom
Gemors. Terroris, uitvaagsel.
Sal seker by vanmiddag uit wees op borg !!
Net so en dan gaan hy maar net aan waar hy opgehou het.
Gaan in elk geval nie impak maak nie….na vandag klop die rowers maar net aan die volgende deur om voorraad te kry…..
Mooi so.
Die knaap is, volgens die berig, al sedert September verlede jaar in die polisie se visier. Het hulle hom die jaar+ grasie gegee om sy besigheid behoorlik te vestig?
Kla hom aan van terrorisme en hoogverraad!