Vermiste gesin gevind

Die man, vrou en twee kinders wat ʼn week gelede vermis geraak het toe hulle na bewering van KwaZulu-Natal na Mpumalanga op pad was, is gevind.

Dessie Rechner, stigter en direkteur van Pink Ladies, het bevestig Jacqueline Bonita Venter (40), Trevor Thomas Stokes (53) en hul kinders, Jolene Bonita Venter (4) en Barend Johannes Venter (13), is in Kaapstad gevind. Rechner het gesê hoewel die gesin op straat was, is hulle ongedeerd en nou na veiligheid geneem.

“Daar word beweer dat hulle uit hul eie [na Kaapstad] gegaan het. Die polisie het ʼn verklaring afgeneem en maatskaplike werkers is by die saak betrek,” het Rechner gesê.

“Ons kan nie altyd meer inligting bekendmaak wanneer vermiste persone gevind word nie, maar ek wil graag baie, baie dankie aan die publiek sê sonder wie se hulp hierdie resultate nie bereik sal kan word nie.”

Maroela Media het vroeër berig Venter, wat ver swanger is, Stokes en die twee kinders is op 4 Mei by ʼn busstasie in Durban afgelaai waar hulle na bewering ʼn bus of taxi na Standerton of Secunda in Mpumalanga sou neem waar Stokes beweer hy ʼn werkgeleentheid by ʼn myn gekry het.

Nadat die gesin nie weer gesien is en ook nie op hul selfone bereik kon word nie, is ʼn soektog na hulle van stapel gestuur.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
? leser

wat laat my dink stokes het ander planne in sy kop gehad, op die foto van pink ladies lyk hy maar verdag

Bietjie baie

Die arme vrou swanger en nog erger die kinders moet sekerlik verward wees oor wat aangaan. Die probleem is net indien kinders in pleegsorg gesit sal word, is hulle nog slegter af. Suid Afrika se Welsyns dienste laat kinders erg in die steek.

Wat

Wie hardloop weg as jy werk gekry het? Nee wat Bonita jy moet jou kop laat lees!

Lizelda

Ek stem 100% saam met jou. Eks net bly hulle is veilig.

Helena.

Die wat my gekritiseer het oor my kommentaar..ek sê weer dit was baie onverantwoordelik wat hulle gedoen het..Kaapstad is ver van Secunda af..dis waar die werk vir hom gewag het..hoe dan nou. Ek was ook al baie desperaat maar nooit dom onnosel nie. Swanger vrou en skoolgaande kind..dit rym nie met desperaat nie.