Indya Dennyschene hou vol dat sy Afrikaans is. (Foto: Skermgreep uit die Facebook-video)
Volgens Leigh Dennyschene kan niemand in haar Engelse huishouding Afrikaans praat nie, maar haar dogtertjie hou vol dat sy dié taal magtig is.
Die Kapenaar het ʼn skreeusnaakse video van haar vierjarige dogtertjie, Indya, op Facebook gedeel waarin sy met haar ma (in Engels) stry en sê dat sy Afrikaans is.
In die video probeer Dennyschene vir Indya verduidelik dat nóg sy nóg haar ouers Afrikaans magtig is, waarop die dogtertjie byna huilend antwoord: “I don’t want to be English.”
Dennyschene probeer om haar punt te bewys deur haar dogter te vra om die Afrikaanse terme vir sekere voorwerpe te noem.
Die kleinding sê toe dat ʼn “table” in Afrikaans eenvoudig ʼn “Afrikaans table” is. Toe haar ma na ʼn plastiekbeker wys, was dié ook net ʼn “Afrikaans cup”.
Dennyschene probeer daarna haar dogter finaal oorreed dat sy nie Afrikaanssprekend is nie, waarop sy met ʼn ernstige gesiggie antwoord: “I am. Afrikaans is Afrikaans.”
Die kosbare video is al meer as 124 000 keer op Facebook gekyk en het meer as 600 kommentaargrepe oor die dogtertjie se vasberadenheid ontlok.
Maryke Stern het geskryf, “You go, girl, trots Afrikaans!”, terwyl Michelle Seeber skertsend sê dat die dogtertjie “baie goeie Afrikaans praat”.
Talle mense het hulle ook met die kleinding vereenselwig en erken dat hulle Afrikaans nie noodwendig watwonders is nie, maar dat hulle ook graag sal wil leer.
Met haar Afrikaans kan sy ‘n rol in 7de Laan losslaan.
Jy is reg Linda, En hoe het die ou uitgerekte en deurgetrekte sepie net nie verander nie. Van een absurditeit na n ander. Het dit nog n plek op TV? Ek het al gewonder wie het nog nie by wie geslaap nie.
Te dierbaar! Ma, sit die kind in ‘n Afrikaanse kleuterskool dat sy Afrikaans kan leer!
Cutie!
So bekkie moet konfyt kry…
Ag sy is te dierbaar trots afrikaans ❤️
Kosbaar Verby !!!
As sy sê sy is Afrikaans, dan ís Afrikaans!
Te dierbaar!
Mamma; sit haar in ‘n Afrikaanse skool, hulle leer hulle om perfekte Engels te praat daar.
Give that girl a Bells.
Ekself het daardie video seker al keer gekyk…. mens wil haar net opvreet ! Sóveel determinasie !
” Afrikôns is Afrikôns!” …. klaar gepraat ????????????????????????
Dis te oulik, so mamma laat haar maar afrikaans leer
“Afrikaans is Afrikaans” Ek sal haar mos opvreet!!!
Wat ek nie kan klein kry nie, is…. In ons Afrikaanse skole is dit ‘n moet dat jy Engels as ‘n tweede taal moet leer. In watse skool was die ouers dat hulle nie Afrikaans as ‘n tweede leer nie? Dalk uitlanders? Ek werk saam met iemand wat van Natal afkomstig is, met ‘n Afrikaanse van (Joubert), maar praat nie ‘n woord Afrikaans nie.
Sy is so oulik.
Ag noenoes mamma, so oulike kindjie ♥
Kan nie met daardie logika stryd nie.
Een van die beste tale ter wereld.