Video: Kleinmond-strandmeer breek weer deur

Die Kleinmond-strandmeer het vir die eerste keer in jare weer na die see deurgebreek. (Foto: Ricardo Mackenzie/Twitter)

Groot opgewondenheid het by die Kleinmond-strandmeer geheers nadat dit ná presies vier jaar weer na die see deurgebreek het.

Mense het na die strand gestroom om die gebeurtenis te aanskou.

Die streek het die afgelope paar dae heelwat reën gekry.

Die Nasionale Seereddingsinstituut het op sy Facebook-bladsy mense gemaan om versigtig te wees wanneer die water vinniger begin vloei en wat aanvanklik net ʼn klein stroompie was, het vinnig in ʼn sterk watermassa verander.

Die toerismevereniging het mense intussen genooi om na die gebeurtenis te kom kyk.

Die strandmeer het die vorige keer op Vrydag 31 Julie 2015 deurgebreek.

What a beautiful moment to witness, come and have a look!

Posted by Hangklip-Kleinmond Tourism on Wednesday, 31 July 2019

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
hendrik

Wonderlik, wonderlik, wonderlik om te sien. Was Sondag daar en baie ander Sondae op ons “Breakfast run” en nog elke keer gehoop hierdie sou gebeur.

Kobie Welgemoed

Die Here is goed en die natuur is vol wonderwerke. Dankie Here U het die gebede verhoor.

Penellope Jones

Genade, genade en genade!

Bokkom

Ek as laaitie daar geswem saam met Uys Krige. Wonderlike tye. By ons in Port Owen water net so hoog agv Bergrivier. Marina lyk soos permanente springgety.

Chesterfield

Dit is wonderlik maar ook hartseer dat al daardie vars water in die see in loop