Vlak 4: Dís wat jy kan verwag

Op vlak 4 word meer aktiwiteite toegelaat. (Foto: Henk Kruger/ANA)

Die minister van handel en nywerheid, Ebrahim Patel, het Saterdag meer besonderhede bekend gemaak oor die geleidelike heropening van die ekonomie wat vanaf Vrydag 1 Mei op groter skaal hervat gaan word.

Die heropening van die ekonomie is gegrond op vyf vlakke. Suid-Afrika is stans op vlak 5, die hoogste vlak wat kan geld, maar skakel Vrydag oor na vlak 4, wanneer sekere verslappings in werking sal tree.

  • Vlak 5: Drastiese maatreëls word vereis om die verspreiding van die virus te bekamp om lewens te red.
  • Vlak 4: Sommige aktiwiteite word toegelaat onderworpe aan uiterste voorsorgmaatreëls om gemeenskapsoordrag en uitbrekings te beperk.

Wat kan jy op vlak 4 verwag?

  • Nadat ʼn herrie oor die verkoop van warm, voorafbereide kos die afgelope paar dae gewoed het, word dit nou wel toegelaat – maar net vir tuisaflewering.
  • Restaurante word toegelaat om weer te heropen, maar ook net vir aflewerings. Geen aansit-etes word toegelaat nie en jy mag ook nie etes self gaan afhaal nie. ʼn Klokreëlstelsel gaan tussen 20:00 en 05:00 geld – waaraan restaurante ook onderworpe sal wees – en eetplekke sal in dié tyd moontlik fluks sake doen.
  • Almal – en nie meer net babas en kleuters nie – sal nou wintersklere mag aanskaf.
  • Rokers mag sigarette koop, maar die verkoop van alkohol bly verbode.
  • Meer mense mag terugkeer werk toe. Na raming sal sowat 1,5 miljoen mense ná 1 Mei weer terug wees op hul pos, wanneer die voorgestelde bedrywe op vlak 4 heropen.
  • Jy mag steeds nie gimnasium toe gaan, oor en weer kuier of sonder ʼn goeie rede ʼn provinsiale grens oorsteek nie.
  • Die dra van ʼn masker wanneer jy wel ʼn noodsaaklike uitstappie onderneem, is verpligtend. Jou neus en mond moet behoorlik bedek wees.
  • Slegs opvoedkundige boeke word verkoop.

Die regering het die verskillende bedrywe wat in dié stadium geraak word, asook lede van die publiek gevra om insette oor die voorgestelde regulasies te lewer.

Patel het gesê die regering het reeds tientalle voorstelle, selfs dié wat op sosialemediaplatforms gemaak word, bestudeer en in ag geneem. Die finale bepalings sal volgende week afgekondig word.

Kliek hier vir die volledige dokument waarin die verskillende fases uiteengesit word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Jaco

Met so baie wat niks of net gedeeltelik salaris gekry het en so baie wat hulle werk verloor het, twyfel ek of veel klaar gekookte etes verkoop gaan word. Dit was nog altyd duur en sal van nou af hoogs waarskynlik nóg duurder wees.

Stefan

Mag ek FIETRY??

andre

Hierdie hele ding grens bou aan belaglik. Dit is n magspel. Baie van hierdie beperkings het boggerol met die virus te doen nie. Hierdie maatreels is kommunisties, wat jy mag eet, wat jy mag koop, wanneer jy mag dit, wanneer jy mag dat.

Anel

Gaan hulle vir ons maskers gee? Ek het nog nooit een gedra nie. Dra nie eens serp om my gesig in die winter nie . Ek nies my dood, is baie alergies vir stof en kry engtevrees. Die goed is vol fyn stoffies. So wat nou! Gaan nog die heeltyd uit sonder so iets.

Alleen Wolf

Weereens glad nie deurdink nie, hulle laat 50% van arbeid toe in die vervaardiging sektor van konstruksie en verwante produkte maar dit mag nie vervoer word nie, 50% van die kapasiteit is veel meer as wat ESSENSIEEL benodig word hier in S.A. en in ons onderneming word meeste normaalweg uitgevoer, so help ons niks.
Natuurlik is die inkorting ook nie vir NDZ ‘n straf nie, sy verdien steeds inkomste en geniet vryheid van beweging