Voertuie, kantore brand tydens betoging oor dienslewering

ʼn Brand is by die Sizakala-sentrum in Durban gestig (20 Julie 2020) (Foto: Verskaf deur eThekwini-stadsraad/ANA)

ʼn Groep betogers het Maandagoggend in Durban staatseiendom aan die brand gesteek uit woede ná inwoners hul onwettige verbindings aan die elektrisiteitsnetwerk in ʼn nabygeleë buurt afgesny het, het die eThekwini-stadsraad gesê.

Die stadsraad het in ʼn verklaring gesê ʼn brand is gestig by die Sizakala-sentrum in Lamontville en ses voertuie is ook aan die brand gesteek. Die kantore huisves onder andere die Suid-Afrikaanse agentskap vir maatskaplike sekerheid (Sassa) en ʼn kliniek van die provinsiale regering.

Die betogers eis behoorlike elektrisiteitsinfrastruktuur. Die informele nedersetting is onder kragdrade en op grond wat aan die provinsiale regering behoort.

Mxolisi Kaunda, burgemeester van eThekwini, het die verwoesting van staatseiendom veroordeel. “Ons respekteer die reg van mense om vreedsaam te betoog, maar ons beskou die jongste voorval in ʼn baie ernstige lig. Trouens, dit is anargie,” het hy gesê. “Hoe eis jy elektrisiteit en verwoes jy staatseiendom wat die gemeenskap help? Na ons mening is dit verraad en daar is nie enige hoeveelheid griewe wat dié onmenslike gedrag kan regverdig nie. Diegene wat verantwoordelik is, moet vervolg word; niks minder nie.”

Kaunda het gesê die stad word geteister deur grondbesetters en dit lei tot onwettige elektrisiteit- en waterverbindings. “Gevolglik word ons transformators oorlaai en raak dan onklaar. Ons elektrisiëns is nietemin besig en het reeds die kragtoevoer herstel na gebiede wat deur dié onwettige gedrag geraak is.”

Hy maan inwoners om hul griewe te lug, eerder as om aan gewelddadige betogings deel te neem.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
Adrian

“Hulle” werk met die gatkant vorentoe. Soos die spreekwoord sê, “soos ‘n passer, al om sy eie gat”…

marius

Alle stede , dorpe en strate se name moet verander word na die stad van drome , Mogadishu

Johann

Hahahahhaha!!!!!!! N anargis wat anargie herken en erken!!!!!!! Absurd!

Andre

Jy betaal nie ‘n sent vir krag nie maar brand af as jou diens afgesny is of nie werk nie…

Danie

Gee hulle tyres en petrol laat hulle die land afbrand want dit is al wat hulle kan doen. Hulle kan niks opbou nie. Breek af. Die land is in n wurggreep maar brand sal hulle brand. Dit is presies wat dr Verwoerd gese het wat nou gebeur maar ons loop met oogklappe.